ଜି.ଉଦୟଗିରି: ଆଜି ଜି.ଉଦୟଗିରି ପୁଲିସ ଜଣେ ନାବାଳିକାକୁ ଅପହରଣ କରିଥିବା ଅଭିଯୋଗରେ ଜଣକୁ ଗିରଫ ପରେ କୋର୍ଟ ଚାଲାଣ କରିଥିବା ଜଣାପଡିଛି। ଜି.ଉଦୟଗିରି ବ୍ଳକ ଅନ୍ତର୍ଗତ ମାଲିକାପଡି ଗ୍ରାମ ପଞ୍ଚାୟତ ସ୍ଥିତ ବତିଙ୍ଗିଆ ଗ୍ରାମର ରସାନନ୍ଦ ନାୟକଙ୍କ ନାବାଳିକା ଝିଅକୁ ଜି.ଉଦୟଗିରି ବ୍ଳକ ଛକର ହରିବନ୍ଧୁ ପୃଷ୍ଟିଙ୍କ ପୁଅ ଜଗନ ପୃଷ୍ଟି(୨୧) ଅପହରଣ କରି ନେଇଥିବା ସ୍ଥାନୀୟ ଥାନାରେ ଅଭିଯୋଗ ହୋଇଥିଲା। ରସାନନ୍ଦଙ୍କ ଅଭିଯୋଗକୁ ଭିତିକରି ଜି.ଉଦୟଗିରି ପୁଲିସ ପକ୍ଷରୁ ଜଗନକୁ ଗିରଫ କରାଯାଇଥିଲା। ଏନେଇ କେସ ନଂ ୩୭/୨୨ ଓ ଧାରା ୩୬୩,୩୬୬,୩୭୬(୨)(ଏନ୍),୩୭୬(୩) ଆଇପିସି ଆର ଡବ୍ଲ୍ୟୁ ୬ ପୋଷ୍କ ଧାରା ଅନୁଯାୟୀ ମାମଲା ରୁଜୁ ହୋଇଛି ଏବଂ ଅଭିଯୁକ୍ତକୁ ଗିରଫ ପରେ କୋର୍ଟ ଚାଲାଣ କରାଯାଇଛି। ଏହି ମାମଲାର ତଦନ୍ତଭାର ଏସଆଇ ସ୍ବାଗତିକା ବେହେରାଙ୍କୁ ତଦନ୍ତ ଦିଆଯାଇଛି ବୋଲି ଥାନା ଅଧିକାରୀ ରେବତୀ ଶବର ସୂଚନା ଦେଇଛନ୍ତି।
Popular Categories
Previous article
Next article