ଆଠଗଡ: ଆଠଗଡର ଜଣେ ଆଇନଜୀବୀ ଶ୍ରୀନିବାସ ଦାସ ରାସ୍ତାରେ ପଡିଥିବା ଏକ ଟଙ୍କାଭର୍ତ୍ତି ପର୍ସ ପାଇ ହଜାଇଥିବା ଲୋକକୁ ଫେରାଇ ମଣିଷପଣିଆର ଉଦାହରଣ ସୃଷ୍ଟି କରିଛନ୍ତି। ଶନିବାର ସକାଳେ ଏକ ଜରୁରୀ କାମରେ ବୀରକିଶୋରପୁର ସ୍ଥିତ ଏକ ଘରୋଇ ଚିକିତ୍ସାଳୟକୁ ଯାଉଥିବାବେଳେ ଆଇନଜୀବୀ ଶ୍ରୀ ଦାସ ପୁରୁଣା ଟେଲିଫୋନ ଏକ୍ସଚେଞ୍ଜ ସମ୍ମୁଖରେ ରାସ୍ତା ଉପରେ ଏକ ପର୍ସ ପଡିଥିବା ଦେଖିଥିଲେ। ପର୍ସ ମଧ୍ୟରେ ୨୦ହଜାର ଟଙ୍କା, ଏଟିଏମ ଓ ଆଧାରକାର୍ଡ ସମେତ କେତେକ ଜରୁରୀ କାଗଜ ଥିବା ଦେଖିଥିଲେ। ସେହି କାର୍ଡରୁ ଠିକଣା ପାଇ ଟେଲିଫୋନରେ ଯୋଗାଯୋଗ କରିବା ପରେ ତାହା ବୀରକିଶୋରପୁରର ପୂର୍ଣ୍ଣଚନ୍ଦ୍ର ଦୋରାଙ୍କର ବୋଲି ଜାଣିବା ପରେ ତାଙ୍କଠାରୁ ପ୍ରମାଣ ନେଇ ପର୍ସ ସହିତ ଟଙ୍କା, ଏଟିଏମ ଓ ଆଧାରକାର୍ଡ ସମେତ କେତେକ ଜରୁରୀ କାଗଜ ପ୍ରଦାନ କରିଥିଲେ। ଶ୍ରୀ ଦୋରା ହଜିଲା ପର୍ସ ଓ ଟଙ୍କା ଆଦି ପାଇ ସଂପୃକ୍ତ ଆଇନଜୀବୀ ଶ୍ରୀ ଦାସଙ୍କୁ କୃତଜ୍ଞତା ଜଣାଇଥିଲେ।
Popular Categories
Previous article
Next article