ନକରାତ୍ମକ ଶକ୍ତି ଦୂର ପାଇଁ ଶୟନକକ୍ଷରେ ୨ଟି କର୍ପୁର ଆଳତୀ କରନ୍ତୁ

ନିୟମିତ କଦଳୀ ବୃକ୍ଷକୁ ପୂଜା କଲେ, ଦାମ୍ପତ୍ୟ ଜୀବନରେ କଳହ ଦୂର ହୋଇଥାଏ।
ପ୍ରଭୁ ମହାଦେବ ଏବଂ ମାତା ପାର୍ବତୀଙ୍କୁ ନିୟମିତ ପୂଜାର୍ଚ୍ଚନା କଲେ, ଦାମ୍ପତ୍ୟ ଜୀବନ ସୁଖମୟ ହୋଇଥାଏ।
ଯେଉଁ ଗୃହରେ ମହିଳାମାନେ ନିୟମିତ ମା’ ତୁଳସୀ ବୃକ୍ଷକୁ ପୂଜା କଲେ ସୌଭାଗ୍ୟର ଆଶୀର୍ବାଦ ପ୍ରାପ୍ତି ହୋଇଥାଏ।
ଶୟନକକ୍ଷରୁ ନକରାତ୍ମକ ଶକ୍ତି ଦୂର କରିବା ନିମନ୍ତେ ୨ଟି କର୍ପୁର ଆଳତୀ ଶୟନକକ୍ଷରେ କରନ୍ତୁ।
ଗୃହରେ ଭୁଲ ସ୍ଥାନରେ ବୃକ୍ଷ ଲଗାଇଲେ ଏହା ଅଶୁଭ ଫଳ ପ୍ରଦାନ କରିଥାଏ। ଶୟନ କକ୍ଷରେ କୌଣସି ପ୍ରକାରର ବୃକ୍ଷ ରଖନ୍ତୁ ନାହିଁ କିମ୍ବା ଲଗାନ୍ତୁ ନାହିଁ। ଏହା ବୈବାହିକ ଜୀବନ ଉପରେ କୁପ୍ରଭାବ ପକାଇଥାଏ। ବିଶେଷ କରି ଶୟନ କକ୍ଷରେ ଘିକୁଆଁରୀ ବୃକ୍ଷ ଥିଲେ ପତିପତ୍ନୀଙ୍କ ମଧ୍ୟରେ ଦୂରତ୍ୱ ବଢିଥାଏ। ଏହାସହ ଆର୍ଥିକ କ୍ଷେତ୍ରରେ ମଧ୍ୟ ସମସ୍ୟା ଦେଖାଯାଏ।
ଶୟନ କକ୍ଷରେ ପଲଙ୍କ ସମ୍ମୁଖରେ ଆଇନା ରଖନ୍ତୁ ନାହିଁ। ପଲଙ୍କ ସମ୍ମୁଖରେ ଆଇନା ରହିବା ଦ୍ୱାରା ଆପଣ ସର୍ବଦା ଚିନ୍ତାଗ୍ରସ୍ତ ରହିବେ।
ଶୁକ୍ରବାର ଦିନ ସ୍ବାମୀ-ସ୍ତ୍ରୀ ଏକାସହ ଫୁଲ କିଣି ଯେକୌଣସି ସ୍ଥାନକୁ ବୁଲିବାକୁ ଯିବା ଉଚିତ୍।
କେବଳ ଗୋଲାପୀ ଓ ଧଳା ରଙ୍ଗର ଫୁଲ କିଣି ନିଜର ଶୟନ କକ୍ଷରେ ସଜାଇ ରଖନ୍ତୁ।
ଯେକୌଣସି ଶୁକ୍ରବାର ଦିନ ସୁଗନ୍ଧିତ ଅତର କିମ୍ବା ପରଫ୍ୟୁମ୍ କିଣନ୍ତୁ।
ଶୁକ୍ରବାର ଦିନ ମା’ ଲକ୍ଷ୍ମୀ କିମ୍ବା ମା’ ଦୁର୍ଗାଙ୍କୁ ଧଳା ରଙ୍ଗର ମିଷ୍ଠାନ୍ନ ଭୋଗ ଲଗାନ୍ତୁ।