ଭଦ୍ଦେଶ୍ୱରମ/ ହାଇଦ୍ରାବାଦ: ସ୍ନାତକ ଏବଂ ଉଚ୍ଚତର ଶିକ୍ଷା ପାଇଁ ଦେଶରେ ଅଗ୍ରଣୀ ୟୁନିଭରସିଟିଗୁଡିକ ମଧ୍ୟରେ ଅନ୍ୟତମ କେଏଲ୍ ଡିମ୍ଡ-ଟୁ-ବି ୟୁନିଭରସିଟି ପକ୍ଷରୁ ଏକାଦଶତମ ସମାବର୍ତ୍ତନ ଉତ୍ସବ ଆୟୋଜିତ ହୋଇଯାଇଛି । ଆୟୋଜିତ ଉତ୍ସବରେ ୩୬୫୦ ଛାତ୍ରଛାତ୍ରୀଙ୍କୁ ସଫଳତାର ସହିତ ସେମାନଙ୍କର ଉଚ୍ଚତର ଶିକ୍ଷା ସମାପ୍ତ କରିବା ପାଇଁ ଡିଗ୍ରୀ ପ୍ରଦାନ କରାଯାଇଥିଲା । ୟୁନିଭରସିଟିର ଅଣ୍ଡର ଗ୍ରାଜୁଏଟ ପାଠ୍ୟକ୍ରମରେ ବି.ଟେକ୍, ବି.କମ୍, ବିବିଏ, ବିସିଏ, ବି.ଏସସି, ବିଏ, ବି.ଫାର୍ମ, ବି.ଆର୍ଚ, ବିବିଏ-ଏଲଏଲବି ଏବଂ ସ୍ନାତକୋତ୍ତର ପାଠ୍ୟକ୍ରମରେ ଏମ.ଟେକ୍, ଏମବିଏ, ଏମ.ଏସସି, ଏମଏ ଆଦି ଅନ୍ତର୍ଭୁକ୍ତ । ଏହି ଭବ୍ୟ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥି ଭାବରେ ଇସ୍ରୋର ଚେୟାରମ୍ୟାନ ତଥା ଭାରତ ସରକାରଙ୍କ ମହାକାଶ ବିଭାଗର ସଚିବ ଡଃ. କେ ଶିବନ୍, ସମ୍ମାନନୀୟ ଅତିଥି ଭାବରେ ଭଲ୍ଭୋ ଗ୍ରୁପ୍ ଇଣ୍ଡିଆର ପ୍ରେସିଡେଣ୍ଟ ଏବଂ ଏମଡ଼ି କମଲ ବାଲି ଏବଂ ବିଶ୍ୱ ବିଖ୍ୟାତ ପ୍ରବଚନକର୍ତ୍ତା ବ୍ରହ୍ମଶ୍ରୀ ଚାଗନ୍ତି କୋଟେଶ୍ୱର ରାଓ ଯୋଗଦେଇଥିଲେ । ଏଥିସହିତ ଚଳଚ୍ଚିତ୍ର ଅଭିନେତା ମହମ୍ମଦ ଅଲି ଏବଂ ସିଲିକନ ଆନ୍ଧ୍ର, ଆମେରିକାର ପ୍ରତିଷ୍ଠାତା କୁଚିଭୋଟଲା ଆନନ୍ଦ ସ୍ୱତନ୍ତ୍ର ଅତିଥି ଭାବରେ କାର୍ଯ୍ୟକ୍ରମରେ ଉପସ୍ଥିତ ଥିଲେ ।
Comments are closed.