ରାମନାଗୁଡା : ରାୟଗଡା ଜିଲ୍ଲା ରାମନାଗୁଡ଼ା ବ୍ଲକ ନାରାୟଣଗୁଡା ଅଙ୍ଗନବାଡି କର୍ମୀ ଜୟନ୍ତୀ ଶବରଙ୍କ ମନମୁଖୀ କାର୍ୟ୍ୟକଳାପକୁ ନେଇ ଗ୍ରାମବାସୀ ଅସନ୍ତୁଷ୍ଟ । ପ୍ରତିବାଦରେ ଆଜି ଉକ୍ତ ଅଙ୍ଗନବାଡି କର୍ମୀଙ୍କୁ ବହିଷ୍କାର ଦାବି କରୀ ଶିଶୁ ବିକାଶ ଯୋଜନା ଅଧିକାରୀଙ୍କ କାର୍ୟ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ଗ୍ରାମର ମହିଳା । ଶିଶୁମାନଙ୍କୁ ପୁଷ୍ଟିକର ଖାଦ୍ୟ ସାମଗ୍ରୀ ଦେବାରେ ଅନିୟମିତତା ଏବଂ ଶିଶୁ ମାନଙ୍କ ଅଭିଭାବକଙ୍କ ସହ ଦୁର୍ବ୍ୟବହାର ପ୍ରଦର୍ଶନ ଓ ଶିଶୁଙ୍କ ପାଇଁ ଉଦ୍ଦିଷ୍ଟ ଖେଳନା, ଶୌଚାଳୟ ଇତ୍ୟାଦି ବ୍ୟବହାରକୁ କର୍ମୀ ଜଣକ ବାରଣ କରୁଥିବା ମହିଳା ମାନେ ଅଭିଯୋଗ କରିଛନ୍ତି।
ଏଥିସହ ଉକ୍ତ କର୍ମୀଙ୍କୁ ଅନ୍ୟତ୍ର ବଦଳି ମଧ୍ୟ ଦାବୀ କରାଯାଇଛି । ଏ ନେଇ ପୂର୍ବ ରୁ ରାମନାଗୁଡା ଶିଶୁ ବିକାଶ ଯୋଜନା ଅଧିକାରୀ ଶାନ୍ତିଲତା ରଥ ଗୁଣୁପୁର ଉପଜିଲ୍ଲାପାଳଙ୍କୁ ଅଭିଯୋଗ କରିଥିଲେ ମଧ୍ୟ କୌଣସି ଫଳ ମିଳିନଥିଲା। ଗତ ଅଗଷ୍ଟ ମାସରୁ ଏଭଳି ଅପ୍ରୀତିକର ପରିସ୍ଥିତି ଲାଗିରହିବାରୁ ଜିଲ୍ଲା ସମାଜ ମଙ୍ଗଳ ଅଧିକାରୀ, ଶିଶୁ ବିକାଶ ଯୋଜନା ଅଧିକାରୀ , ସୁପରଭାଇଜର ପ୍ରମୁଖ ଗ୍ରାମବାସୀ ଙ୍କ ସହ ଆଲୋଚନା କରିଥିଲେ ମଧ୍ୟ ଗ୍ରାମବାସୀ ଉକ୍ତ କର୍ମୀଙ୍କୁ କୌଣସି ମତେ ଗ୍ରହଣ କରୁନଥିବା ଜଣାପଡିଛି । ଆଜି ପୁନଶ୍ଚ ଉକ୍ତ କର୍ମୀଙ୍କୁ ନାରାୟଣଗୁଡା କେନ୍ଦ୍ରରୁ ବହିଷ୍କାର ଦାବିକରୀ ଧାରଣାରେ ବସିରହିଛନ୍ତି ଗ୍ରାମର ମହିଳା । ଏନେଇ ସିଡ଼ିପିଓ ଙ୍କ ମତାମତ ଲୋଡିବାରୁ ବହିଷ୍କାର କିମ୍ବା ବଦଳି ତାଙ୍କ ପରିସରଭୁକ୍ତ ନୁହେଁ ସମସ୍ୟା ନେଇ ଉପରିସ୍ଥ ଅଧିକାରୀ ଙ୍କୁ ଅବଗତ କରାଯିବ ବୋଲି କହିଛନ୍ତି ।
Comments are closed.