ନବରଙ୍ଗପୁର : ରାଷ୍ଟ୍ରୀୟ ବନସ୍ପତି ଗବେଷଣା ସଂସ୍ଥାନ (ଏନଵିଆରଆଇ) ଲକ୍ଷ୍ନୌ ତରଫରୁ ନନ୍ଦାହାଣ୍ଡି ବ୍ଲକର ଯେଟୁଗୁଡ଼ାଠାରେ ବ୍ୟବସାୟିକ ଭିତ୍ତିରେ ଗ୍ଲାଡ଼ିଓଲୋସ ଫୁଲ କନ୍ଦ ଆଜି ରୋପଣ କରାଯାଇଛି। ଏହି କାର୍ଯ୍ୟକ୍ରମରେ ଜିଲ୍ଲା ଉଦ୍ୟାନ କୃଷି ଉପନିର୍ଦେଶକ ଡ. ପ୍ରଦୋଷ କୁମାର ପଣ୍ଡା ଏବଂ ମୁଖ୍ୟ କୃଷି ଜିଲ୍ଲା ଅଧିକାରୀ ଟଙ୍କଧର ସାହୁ ,ବିଜ୍ଞାନ ଓ କାରିଗରୀ ବିଦ୍ୟା ପ୍ରକଳ୍ପର କ୍ରିୟାନ୍ବୟନ କମିଟିର ସଦସ୍ୟ ଲକ୍ଷ୍ମୀ ନାରାୟଣ ବକ୍ସୀ ଗ୍ଲାଡ଼ିଓଲୋସ କନ୍ଦ ରୋପଣ କରିଥିଲେ। ପରୀକ୍ଷାମୂଳକ ଭାବେ ଜେ. ରାମ ରାଜୁଙ୍କ ଜମିରେ ୫୦ ଡ଼ିସିମିଲ ଜାଗାରେ ଏହି ଚାଷ ଆରମ୍ଭ କରାଯାଇଛି । ପ୍ରାୟ ୨ମାସରେ ଏହି ଫୁଲ ଅମଳ ହେଉଥିବାବେଳେ ପ୍ରାୟ ପୁଷ୍ପଗୁଚ୍ଛ ପିଛା ୫ ରୁ ୭ ଟଙ୍କାରେ ବିକ୍ରି ହୋଇଥାଏ । ଗୋଟିଏ ଗଛରୁ ୨ ରୁ ୩ ଟି ପୁଷ୍ପ ଗୁଚ୍ଛ ବାହାରି ଥାଏ ବୋଲି ଏନବିଆରଆଇର ପ୍ରଧାନ ବୈଜ୍ଞାନିକ ଡ. ଚନ୍ଦ୍ରଶେଖର ମହାନ୍ତି ପ୍ରକାଶ କରିଛନ୍ତି। ଆସନ୍ତା ବର୍ଷ ନବରଙ୍ଗପୁର ଜିଲ୍ଲାରେ ଅଧିକ ଚାଷୀଙ୍କୁ ସାମିଲ କରାଯିବ ବୋଲି ଡ.ମହାନ୍ତି ସୂଚନା ଦେଇଛନ୍ତି ।
Comments are closed.