ହରଭଙ୍ଗା : ବୌଦ୍ଧଜିଲ୍ଲା ହରଭଙ୍ଗା ବ୍ଲକର ଖରଶଙ୍କୁଲେଇଠାରେ ନିର୍ମାଣଧିନଥିବା ଧଳପୁର-ଆଠମଲ୍ଲିକ ମହାନଦୀ ସେତୁ ନିର୍ମାଣ କାର୍ଯ୍ୟରେ ନିମ୍ନମାନର ଚିପସ, ସବୁ ବ୍ୟବହୃତ ହେଉଥିବା ନେଇ ଅଭିଯୋଗ ହୋଇଛି। ପ୍ରକାଶ ଯେ ବହୁତଦିନର ଦାବୀପରେ ଉତର ଉଡିଶା ସହିତ ପଶ୍ଚିମ ଏବଂ ଦକ୍ଷିଣ ଓଡିଶାକୁ ସଂଯୋଗ ନିମନ୍ତେ ଧଳପୁର- ଆଠମଲ୍ଲିକ ମହାନଦୀ ସେତୁ ନିର୍ମାଣ କାର୍ଯ୍ୟ ଗତ ଡିସେମ୍ବର ୨୦୧୬ ଆରମ୍ଭ କରାଗଲା। ବର୍ତମାନ ସେତୁ ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପଂହଚିଛି। ବର୍ତମାନ ସେତୁର ହ୍ୟାଣ୍ଡରେଲିଂ ,ଫୁଟପାତ୍ ଏକ୍ସପେନସନ ଜଏଂଟ ସାଙ୍ଗକୁ ଆଠମଲ୍ଲିକ ପଟର ଆପ୍ରୋଚ ରୋଡ ସହିତ ଆଉ ୧୪ ପ୍ରତିଶ୍ରତ କାର୍ଯ୍ୟ ବାବଦକୁ ପ୍ରାୟ ୨୩କୋଟି ଟଙ୍କା ଖର୍ଚ୍ଚ ବାକି ରହିଛି। ବର୍ତମାନ ସେତୁ ଉପର ହ୍ୟାଣ୍ଡରେଲିଂ ଏବଂ ଫୁଟପାତ ଭଳି କଂକ୍ରିଟ କାର୍ଯ୍ୟରେ ଅତ୍ୟନ୍ତ ନିମ୍ନମାନର ଚିପସ ବ୍ୟବହୃତ କରାଯାଉଥିବା ଦେଖିବାକୁ ମିଳିଛି। କଂକ୍ରିଟ କାର୍ଯ୍ୟର ମାନ ନିର୍ଦ୍ଧାରଣ ଦାୟିତ୍ୱରେଥିବା ଜନୈକ ଅଥରିଟି ଇଂଜିନିୟର ସ୍ଥାୟୀତ୍ୱ ପ୍ରତି ସମ୍ପୁର୍ଣ୍ଣ ଆଣଦେଖା ଯୋଗୁଁ ଏଭଳି ନିମ୍ନମାନର କାର୍ଯ୍ୟ ଚାଲିଥିବା ନଜରକୁ ଆସିଛି ବୋଲି ଅଭିଯୋଗ ହୋଇଛି। ଫଳରେ କୋଟି କୋଟି ଟଙ୍କା ବ୍ୟୟବରାଦରେ ଚାଲିଥିବା ସେତୁ ନିର୍ମାଣ କାର୍ଯ୍ୟ ଉପରେ ବଡ ପ୍ରଶ୍ନଚିହ୍ନ ଲାଗିଛି। ଏ ସର୍ମ୍ପକରେ ମାନ ନିର୍ଦ୍ଧାରଣ ଦାୟିତ୍ୱରେଥିବା ଟିମ ଲିଡର ତଥା ଅଥରିଟି ଇଂଜିନିୟର ସଂଜୟ କୁମାର ମହାପାତ୍ରଙ୍କୁ ପଚାରିବାରୁ ବର୍ଷା ଯୋଗୁଁ ଚିପସରେ ମାଟି ଗୁଣ୍ଡ ମିଶି ଯାଇଥିବା କହିଥିଲେ। ଆମେ ମାନ ଉପରେ ପୁରା ଗୁରୁତ୍ୱ ଦେଉଛୁ। ଯେଉଁଠି ନିମ୍ନମାନର କାର୍ଯ୍ୟ ହେଉଛି ତାକୁ ଭାଙ୍ଗି ପୁର୍ନବାର ନିର୍ମାଣ ପାଇଁ ଠିକସଂସ୍ଥାକୁ ନିର୍ଦ୍ଦେଶ ଦେଉଛୁ ବୋଲି କହିଥିଲେ। ଏଥିପ୍ରତି ପୂର୍ତବିଭାଗ ମୁଖ୍ୟଯନ୍ତ୍ରୀ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବୀ ହେଉଛି। ସୂଚନା ଥାଉକି ଗତ ଡିସେମ୍ବର ୨୦୧୬ରୁ ବିଶ୍ୱ ବ୍ୟାଙ୍କ ନାର୍ବାଡ ସହାୟତରେ ୧୬୮କୋଟି ୯୧ ଲକ୍ଷ ଟଙ୍କା ବ୍ୟୟବରାଦରେ ଧଳପୁର-ଆଠମଲ୍ଲିକ ମହାନଦୀ ସେତୁ ନିର୍ମାଣ କାର୍ଯ୍ୟ ଚାଲିଛି। ଡିସେମ୍ବର ୨୦୧୬ରୁ ୨୦୧୯ ଡିସେମ୍ବର ସୁଦ୍ଧା ଏହାର ନିର୍ମାଣ କାର୍ଯ୍ୟ ଶେଷ ପାଇଁ ତିନିବର୍ଷ ମିଆଦି ରହିଥିଲା। ମିଆଦି ସମୟ ଠାରୁ ପାଖାପାଖି ଅଧିକ ଦୁଇ ବର୍ଷ ଅତିକ୍ରମ କରିସାରିଥିଲେ ସୁଦ୍ଧା ସେତୁ ପ୍ରକଳ୍ପ ନିର୍ମାଣକାର୍ଯ୍ୟ ଶେଷ ହୋଇପାରୁନାହିଁ। ଏହାକୁ ନେଇ ଉଭୟ ବୌଦ୍ଧ-ଅନୁଗୁଳୁ ଜିଲ୍ଲାର ଜନସାଧାରଣଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।
Comments are closed.