କଲ୍ୟାଣସିଂହପୁର: ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ସ୍ୱାସ୍ଥ୍ୟକେନ୍ଦ୍ର ନିକଟରେ ଥିବା ବିଦ୍ୟୁତ ଟ୍ରାନ୍ସଫର୍ମର ବିପଦସଙ୍କୁଳ ଅବସ୍ଥାରେ ରହିଛି। ସଦରଠାରୁ ଭୈରବୀ ସାହି ଦେଇ ନୂତନ ସ୍ୱାସ୍ଥ୍ୟକେନ୍ଦ୍ରକୁ ବିଦ୍ୟୁତ ଦିଆଯାଇଛି। ସେଠାରେ ଏକ ଟ୍ରାନ୍ସଫର୍ମର ବସାଯାଇଛି। ସେହି ଟ୍ରାନ୍ସଫର୍ମରର ଚତୁଃପାର୍ଶ୍ବରେ ବାଡ଼ ଦିଆଯାଇଛି, କିନ୍ତୁ ତାର ଚାରିଆଡ଼େ ଗଛଲତା ମାଡ଼ିଯାଇ ଟ୍ରାନ୍ସଫର୍ମରକୁ ଲାଗିଯାଇଛି। ତାହାକୁ ସଫା କରାଯାଇନାହିଁ। ଏହାକୁ ତୁରନ୍ତ ସଫା କରାଯାଉ। ସଫା କରା ନ ଗଲେ ସ୍ୱାସ୍ଥ୍ୟକେନ୍ଦ୍ରକୁ ଯାତାୟତ କରୁଥିବା ଲୋକଙ୍କ ଉପରେ ବିପଦ ରହିଛି। ଏହାର ନିକଟରେ ଅନ୍ୟ ଏକ ଟ୍ରାନ୍ସଫର୍ମର ରହିଛି, ତାହା ଢଳିବା ପରିସ୍ଥିତିରେ ରହିଛି।ତାର ଚତୁଃପାଶ୍ୱର୍ରେ ବାଡ଼ କରାଯାଇନାହଁ। ଟ୍ରାନ୍ସଫର୍ମର ତଳକୁ ବିଦ୍ୟୁତ ତାର ସବୁ ଖୋଲାରେ ରହିଛି। ଯଦି ହଠାତ ଉକ୍ତ ବିଦ୍ୟୁତ ଖୁଣ୍ଟ ଦେଇ କୌଣସି ପଶୁ ବା ଗାଈ ଗୋରୁ ଚାଲି ଯାଆନ୍ତି, ତାହେଲେ ବିଦ୍ୟୁତ ସଂସ୍ପର୍ଶରେ ଆସି ମୁତ୍ୟୁ ଘଟିଲେ କିଏ ଦାୟୀ ରହିବ ବୋଲି ଲୋକେ ପ୍ରଶ୍ନ କରିଛନ୍ତି। ଏଥିପ୍ରତି ବିଦ୍ୟୁତ ଟିପିଏସଓଡିଏଲର କର୍ମଚାରୀମାନେ ଦୃଷ୍ଟି ଦେଇ ତୁରନ୍ତ ବିଦ୍ୟୁତ ଟ୍ରାନ୍ସଫର୍ମର ସଫେଇ କରିବା ସହ ଅନ୍ୟ ଟ୍ରାନ୍ସଫର୍ମର ସଜାଡ଼ିବା ପାଇଁ ଅଞ୍ଚଳବାସୀ ଦାବି କରିଛନ୍ତି।
Comments are closed.