ଡେସ୍କ: ଆସନ୍ତା ଜାନୁଆରୀ ମାସ ୮ ତାରିଖରେ ଗୋଟିଏ ଦେଶ, ଗୋଟିଏ ନିର୍ବାଚନ ସମ୍ବନ୍ଧୀୟ ଦୁଇଟି ବିଲ୍ ଉପରେ ଯୁଗ୍ମ ସଂସଦୀୟ କମିଟି (ଜେପିସି)ର ପ୍ରଥମ ବୈଠକ ଅନୁଷ୍ଠିତ ହେବ। ୩୯ ଜଣିଆ କମିଟିରେ ଲୋକସଭାର ୨୭ ଜଣ ଓ ରାଜ୍ୟସଭାର ୧୨ ଜଣ ସଦସ୍ୟ ରହିଛନ୍ତି। ଆସନ୍ତା ସଂସଦ ଅଧିବେଶନର ଶେଷ ସପ୍ତାହର ପ୍ରଥମ ଦିନ ସୁଦ୍ଧା ଏହି କମିଟି ଗୃହକୁ ରିପୋର୍ଟ ପ୍ରଦାନ କରିବ।
କମିଟିରେ ବିଜେପି ନେତା ପିପି ଚୌଧୁରୀ, ଅନୁରାଗ ସିଂହ ଠାକୁର ଏବଂ ପୁରୁଷୋତ୍ତମଭାଇ ରୂପାଲା ରହିଛନ୍ତି। କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧି ଓ ମନୀଷ ତିୱାରୀ, ଟିଏମସିର କଲ୍ୟାଣ ବାନାର୍ଜୀ, ଲୋକସଭାର ଅନ୍ୟମାନଙ୍କ ମଧ୍ୟରେ ଏନସିପି (ଏସପି)ର ସୁପ୍ରିୟା ସୁଲେ ସଦସ୍ୟ ଅଛନ୍ତି। ରାଜ୍ୟସଭାରୁ ଘନଶ୍ୟାମ ତିୱାରୀ, ଭୁବନେଶ୍ୱର କଳିତା ଓ କେ ଲକ୍ଷ୍ମଣ, ରଣଦୀପ ସିଂହ ସୁରଜେୱାଲା ଓ କଂଗ୍ରେସର ମୁକୁଲ ବାଳକୃଷ୍ଣ ୱାସନିକ୍, ଜେଡିୟୁର ସଞ୍ଜୟ କୁମାର ଝା, ଅନ୍ୟମାନଙ୍କ ମଧ୍ୟରେ ୱାଇଏସଆର କଂଗ୍ରେସର ଭି ବିଜୟସାଇ ରେଡ୍ଡୀ ସଂସଦୀୟ କମିଟିର ସଦସ୍ୟ ଅଛନ୍ତି। ଏହି ବିଲ୍ ଗୁଡ଼ିକୁ ଆନୁଷ୍ଠାନିକ ଭାବେ ସମ୍ବିଧାନ (୧୨୯ତମ ସଂଶୋଧନ) ବିଲ୍, ୨୦୨୪ ଏବଂ କେନ୍ଦ୍ରଶାସିତ ଅଞ୍ଚଳ ଆଇନ (ସଂଶୋଧନ) ବିଲ୍, ୨୦୨୪ ନାମରେ ନାମିତ କରାଯାଇଛି।
