ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ଆମ୍ବପୁଆ ଅଲେଖ ନଗର ଅଂଚଳରେ ଏକ ଭଡ଼ା ଘରୁ ଦୁର୍ଵୃତ୍ତମାନେ ତାଲା ଭାଙ୍ଗି ସୁନା ଅଳଙ୍କାର ଲୁଟି ନେଇ ଥିବା ନେଇ ଥାନାରେ ଅଭିଯୋଗ ହୋଇଛି। ସୂଚନା ପ୍ରକାରେ ଆମ୍ବପୁଆ ସ୍ଥିତ ବ୍ଲାଇଣ୍ଡ ସ୍କୁଲର ଶିକ୍ଷକ ନିହାର ରଞ୍ଜନ ନାୟକ ଅଲେଖ ନଗର ଅଂଚଳରେ ଏକ ଭଡ଼ା ଘରେ ରହୁଥିଲେ। ସୋମବାର ସନ୍ଧ୍ୟା ପ୍ରାୟ ୬ ଟା ସମୟରେ ଘରକୁ ଫେରି ଦେଖିବା ବେଳକୁ ଗେଟ ତାଲା ଭଙ୍ଗା ଯାଇଥିଲା।
ଭିତରକୁ ଯାଇ ଦେଖିବା ବେଳକୁ ଟେବୁଲ ଡ୍ରରେ ଗୋଟିଏ ସୁନା ଚେନ, ଏକ ହଳ ସୁନା କାନ ଫୁଲ, ତିନୋଟି ସୁନା ମୁଦି ଚୋରି ଯାଇଥିବା ବେଳେ ଲାଗିଥିବା ସିସି କ୍ୟାମେରା ଭଙ୍ଗା ଯାଇଥିବା ନେଇ ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗ ପ୍ରକାରେ ପୁଲିସ କେସ ନମ୍ବର ୩୫୨/୨୪ ମାମଲା ରୁଜୁ କରି ତଦନ୍ତ କରୁଥିବା ପୁଲିସ କହିଛି ଲ ଅନ୍ୟ ପଟେ ଦିନକୁ ଦିନ ଚୋରି ବଢ଼ି ଚାଲିଥିବା ବେଳେ ପୁଲିସ ଚୋରର ଟେର ପାଇ ପାରୁନାହିଁ। ଚୋରମାନେ ରାତିରେ ତାଲାବନ୍ଦ କରିବାକୁ ସାହାସ ଜୁଟାଉ ଥିବା ବେଳେ ଏବେ ଦିନ ଦ୍ବିପହରରେ ତାଲା ବନ୍ଦ ଘରକୁ ଟାର୍ଗେଟ କରିବା ସହ ପୁଲିସକୁ ଖୋଲାଖୋଲି ଚ୍ୟାଲେଞ୍ଜ କରୁଥିବା ଦେଖିବାକୁ ମିଳିଛି।
Comments are closed.