ମୋହନା: ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ବାଘମାରୀ ଗ୍ରାମର କାଲା ରଇତ(୩୮) ନିଜ ଝିଅ ନିଖୋଜ ଥିବା ନେଇ ଥାନାରେ ଅଭିଯୋଗ କରିଛନ୍ତି।
ଘଟଣାରୁ ପ୍ରକାଶ, ବାଘମାରୀ ଗ୍ରାମର କାଲା ରଇତଙ୍କ ଝିଅ ୨୨/୯ରେ ଘରେ ଚାନ୍ଦିପୁଟ କଲେଜକୁ ପଢ଼ିବାପାଇଁ କହି ଯାଇଥିଲେ। କିନ୍ତୁ ସନ୍ଧ୍ୟା ୫ଟା ପର୍ୟ୍ୟନ୍ତ ଘରକୁ ନ ଫେରିବାରୁ ପରିବାର ଲୋକେ ନିଜ ସମ୍ପର୍କୀୟଙ୍କ ଘରକୁ ଯାଇ ପଚାରାଉଚାରା କରି ବହୁ ସ୍ଥାନ ଖୋଜାଖୋଜି କରିବା ପରେ ମଧ୍ୟ ସନ୍ଧାନ ନ ପାଇ ଶେଷରେ ମୋହନା ଥାନାରେ ଲିଖିତ ଅଭିଯୋଗ ଦେଇଛନ୍ତି। ଝିଅ ଯିବା ବେଳେ ନିଜର ସବୁ ଆବଶ୍ୟକୀୟ କାଗଜପତ୍ର ସହ ୧୬ ଶହ ଟଙ୍କା ନେଇ କଲେଜ ଯାଇଥିବା ଅଭିଯୋଗ ପତ୍ରରେ ଦର୍ଶାଯାଇଛି। ମୋହନା ଥାନାରେ ଏକ ମାମଲା ରୁଜୁ ହୋଇ ତଦନ୍ତ ଚାଲିଥିବା ଥାନା ଅଧିକାରୀ ସୁଜିତ କୁମାର ନାୟକ କହିଛନ୍ତି।
