ହରଭଙ୍ଗା: ଗତ ମହାନଦୀ ବନ୍ୟାରେ ହରଭଙ୍ଗା ତହସିଲ ଅଂଚଳରେ ବ୍ୟାପକ ଫସଲ କ୍ଷୟକ୍ଷତି ଘଟିଛି। ଫସଲ କ୍ଷୟକ୍ଷତି ଆକଳନ ପାଇଁ ମଙ୍ଗଳବାର ସକାଳେ ହରଭଙ୍ଗା ତହସିଲଦାର ଶମ୍ଭୁଭୁଷଣ ମିଶ୍ରଙ୍କ ନେତୃତ୍ୱରେ ଏକ ୩ଜଣିଆ ଟିମ କ୍ଷତିଗ୍ରସ୍ତ ଅଂଚଳ ପରିଦର୍ଶନ କରିଥିବା ଜଣାପଡିଛି।ହରଭଙ୍ଗାରୁ ଧଳପୁର ପର୍ଯ୍ୟନ୍ତ ନଦୀକୂଳରେ ରହିଥିବା ଧାନ ଚାଷ ଜମିରେ ବନ୍ୟା ପାଣି ପଶି ଘଟିଥିବା କ୍ଷୟକ୍ଷତିର ପ୍ରତ୍ୟକ୍ଷଭାବେ ଟିମଦ୍ୱାରା କ୍ଷୟକ୍ଷତି ଆକଳନ କରାଯାଇଛି। ହରଭଙ୍ଗା ତହସିଲ ଅଞ୍ଚଳରେ ଗତ ମହାନଦୀ ବନ୍ୟାରେ ୫୨ ହେକ୍ଟର ଧାନ ଚାଷ ଜମି ବନ୍ୟାରେ କ୍ଷୟକ୍ଷତି ଘଟିଥିବା ତହସିଲଦାର ସୂଚନା ଦେଇଛନ୍ତି।ତୁରନ୍ତ ଚାଷୀଙ୍କୁ କିପରି କ୍ଷତିପୂରଣ ମିଳିପାରିବ ସେ ଦିଗରେ ତହସିଲ ପକ୍ଷରୁ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ବୋଲି ତହସିଲଦାର କହିଛନ୍ତି।
Popular Categories
Previous article
Next article