ଭୁବନେଶ୍ୱର: ଢେଙ୍କାନାଳ-ସମ୍ବଲପୁର ସେକ୍ସନରେ ରେଳପଥରେ ଏକ ମାଲବାହୀ ଟ୍ରେନ ଲାଇନଚ୍ୟୁତ ହୋଇଛି। ଫଳରେ ସେହି ପଥ ଦେଇ ୧୨ଟି ଟ୍ରେନର ଚଳାଚଳକୁ ବାତିଲ କରିଦିଆଯାଇଛି। ଏଥିସହିତ ୮ଟି ଟ୍ରେନର ଗତିପଥରେ ପରିବର୍ତ୍ତନ କରାଯାଇଥିବା ରେଳବାଇ ପକ୍ଷରୁ ସୂଚନା ଦିଆଯାଇଛି। ଭୋଗବେରେଣୀ ନିକଟରେ ଏକ ପୋଲ ଭୀଷଣ ବର୍ଷା କାରଣରୁ ଦବିଯିବାରୁ ରେଳଲାଇନ ଦବିଯିବା ସହିତ ମାଲବାହୀ ଟ୍ରେନ ଲାଇନଚ୍ୟୁତ ହୋଇଥିଲା। ରେଳବାଇ ଅଧିକାରୀ ଓ କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ରେଳଲାଇନ ମରାମତି କାର୍ଯ୍ୟ ଆରମ୍ଭ କରିଛନ୍ତି। ତେବେ ଏହି ଦୁର୍ଘଟଣାରେ ମାଲବାହୀ ଟ୍ରେନର ଲୋକୋ ପାଇଲଟ ଏବଂ ଗାର୍ଡ ସୁରକ୍ଷିତ ଥିବା ଜଣାଯାଇଛି।
Popular Categories
Next article