୨୪ ଜଣ ଭାରତୀୟ ଏବଂ ୧୧ ନେପାଳୀ ନାଗରିକଙ୍କ ସମେତ କାବୁଲରୁ ୩୫ ଜଣ ଆଜି ଭାରତୀୟ ବାୟୁସେନା ସି-୧୭ ଗ୍ଲୋବମାଷ୍ଟର ବିମାନରେ ଗାଜିଆବାଦର ହିନ୍ଦନ ବାୟୁସେନା ଷ୍ଟେସନରେ ଅବତରଣ କରିଛନ୍ତି। ଏହା ପୂର୍ବରୁ ବୈଦେଶିକ ବ୍ୟାପାର ମନ୍ତ୍ରାଳୟ ମୁଖପାତ୍ର ଅରିନ୍ଦମ ବାଗଚି ଟ୍ୱିଟ୍ କରି କହିଥିଲେ ଯେ ୩୫ ଜଣ ଭାରତ ଅଭିମୁଖେ ଯାଉଛନ୍ତି।
ଦେବୀ ଶକ୍ତି ହ୍ୟାସଟ୍ୟାଗ ସହ ଶ୍ରୀ ବାଗଚି ଟ୍ୱିଟ୍ କରିଥିଲେ ଯେ କାବୁଲରୁ ୨୪ ଜଣ ଭାରତୀୟ ଏବଂ ୧୧ ଜଣ ନେପାଳ ନାଗରିକଙ୍କୁ ନେଇ ବାୟୁସେନା ବିମାନ ଦିଲ୍ଲୀ ଅଭିମୁଖେ ଯାଉଛି। ଅଗଷ୍ଟ ୧୫ରେ ତାଲିବାନ ଆଫଗାନିସ୍ତାନକୁ ଦଖଲ କରିବା ପରେ ଭାରତୀୟ ନାଗରିକଙ୍କୁ ସ୍ଥାନାନ୍ତର କରିବା ପାଇଁ ଉଦ୍ୟମ ଚାଲିଛି। ସତର୍କତାମୂଳକ ପଦକ୍ଷେପ ଭାବରେ ଭାରତ କାବୁଲର ଦୂତାବାସ ଏବଂ ଆଫଗାନିସ୍ତାନର ଅନ୍ୟ କନସୁଲେଟରୁ ଭାରତ ତାର ସମସ୍ତ କୂଟନୈତିକ କର୍ମଚାରୀଙ୍କୁ ପ୍ରତ୍ୟାହାର କରି ନେଇଛି।
