ସଇଁନ୍ତଲା/ବେଲଗାଁ : ସଇଁନ୍ତଲା ଡାକ୍ତରଖାନାରେ ଗତକାଲି ରାତ୍ରିରେ ଜଣେ କରୋନା ଆକ୍ରାନ୍ତ ମହିଳାଙ୍କ ମୃତ୍ୟୁ ଘଟିଥିବା ଜଣାଯାଇଛି। ଏନେଇ ସୋମବାର ସକାଲୁ କୋଭିଡ-୧୯ ପ୍ରୋଟୋକଲ ଅନୁଯାୟୀ ପ୍ରଶାସନ ପକ୍ଷରୁ ମହିଳାଙ୍କ ସ୍ୱାମୀଙ୍କ ଉପସ୍ଥିତିରେ ଅନ୍ତିମ ସତ୍କାର କରାଯାଇଥିବା ଜଣାଯାଇଛି। ପ୍ରଶାସନ ପକ୍ଷରୁ ସଇଁନ୍ତଲା ତହସିଲଦାର ସୁମନ କିଶୋର ଡୁଙ୍ଗଡୁଙ୍ଗ, ବିଡିଓ ଦେବାଶିଷ ସାମଲ ଉପସ୍ଥିତ ଥିଲେ। ଅପରପକ୍ଷରେ ସଇଁନ୍ତଲା ଡାକ୍ତରଖାନା ଆଡଟଡୋରରେ ସୋମବାର ୫ ଜଣ କରୋନା ଆକ୍ରାନ୍ତ ଚିହ୍ନଟ ହେବା ନେଇ ଡାକ୍ତରଖାନାରେ ରୋଗୀ ସେବାକୁ ଆଜି ଅପରାହ୍ନ ୨ଟାରୁ ଆସନ୍ତା ୧୦ ତାରିଖ ପର୍ଯ୍ୟନ୍ତ ବନ୍ଦ ରଖାଯାଇଥିବା ସଇଁନ୍ତଲା ସ୍ୱାସ୍ଥ୍ୟ ଅଧିକାରୀ ଡା. ଚିତ୍ତରଞ୍ଜନ ମହାପାତ୍ର ଏକ ପ୍ରେସ ବିବୃତିରେ ଜଣାଇଛନ୍ତି। ଏନେଇ ସଇଁନ୍ତଲା ଅଞ୍ଚଳରେ କରୋନା ମୁକାବିଳା ପାଇଁ ପ୍ରଶାସନ ପକ୍ଷରୁ ସଚେତନତା ସହ ସତର୍କ ଦୃଷ୍ଟି ରଖାଯାଇଥିବା ତହସିଲଦାର ଶ୍ରୀ ଡୁଙ୍ଗଡୁଙ୍ଗ କହିଛନ୍ତି।
Comments are closed.