ରାଷ୍ଟ୍ରପତି ରାମ ନାଥ କୋବିନ୍ଦ କହିଛନ୍ତି ଯେ କରୋନା ମହାମାରୀ ବିଶ୍ୱକୁ ଶିକ୍ଷା ଦେଇଛି ଯେ ଯଦି ଅନ୍ୟମାନେ ବିପଦରେ ପଡ଼ନ୍ତି ତେବେ ଜଣେ ସୁରକ୍ଷିତ ହୋଇପାରିବ ନାହିଁ ଏବଂ ତେଣୁ ଭାଇଚାରା ହେଉଛି ବର୍ତ୍ତମାନ ସମୟର ଆବଶ୍ୟକତା। କର୍ଣ୍ଣାଟକ ବେଙ୍ଗାଲୁରୁସ୍ଥିତ ରାଜୀବ ଗାନ୍ଧୀ ସ୍ୱାସ୍ଥ୍ୟ ବିଜ୍ଞାନ ବିଶ୍ୱବିଦ୍ୟାଳୟର ୨୩ତମ ବାର୍ଷିକ ସମାବର୍ତ୍ତନ ସମାରୋହରେ ନିଜର ଅଭିଭାଷଣ ପ୍ରଦାନ କରି ସେ କହିଛନ୍ତି ଯେ ଯଦିଓ କରୋନା ଏକ ପ୍ରକାର ସ୍ୱାସ୍ଥ୍ୟ ସଙ୍କଟ ଭଳି ମନେହୁଏ ଯାହା କ୍ୱଚିତ୍ ଘଟେ, କିନ୍ତୁ ବୈଜ୍ଞାନିକମାନେ ଆମକୁ ଆଗାମୀ ଦିନରେ ଏଭଳି ଆହ୍ୱାନ ପାଇଁ ପ୍ରସ୍ତୁତ ହେବାକୁ ଚେତାବନୀ ଦେଇଛନ୍ତି। ସେ କହିଛନ୍ତି ଯେ ଆମେ ଆଶା କରିବା, ବିଶ୍ୱ ଉଚିତ ଶିକ୍ଷା ଲାଭ କରିଛି।
ରାଷ୍ଟ୍ରପତି କହିଛନ୍ତି ଯେ ଭାରତରେ ସ୍ୱାସ୍ଥ୍ୟସେବା ପ୍ରତିରୋଧ, ନିରାକରଣ ଏବଂ ଚିକିତ୍ସା ପ୍ରଣାଳୀ ସବୁ ପର୍ଯ୍ୟାୟରେ ପରିବର୍ତ୍ତନ ହେବାକୁ ଯାଉଛି। ସ୍ୱାସ୍ଥ୍ୟସେବା କ୍ଷେତ୍ରରେ କୌଣସି ଏକ ସଂସ୍ଥା ଫଳାଫଳ ବିତରଣ କରିପାରିବ ନାହିଁ ଏବଂ ନିଜେ ମଧ୍ୟ ଫଳାଫଳ ହାସଲ କରିପାରିବ ନାହିଁ। ରାଷ୍ଟ୍ରପତି କୋବିନ୍ଦ କହିଛନ୍ତି ଯେ ରାଜୀବ ଗାନ୍ଧୀ ସ୍ୱାସ୍ଥ୍ୟ ବିଜ୍ଞାନ ବିଶ୍ୱବିଦ୍ୟାଳୟ ଭବିଷ୍ୟତରେ ଏହି ପ୍ରକାରର ରୋଗର ମୁକାବିଲା ପାଇଁ ଡାକ୍ତର ଏବଂ ନର୍ସଙ୍କ ଠାରୁ ଆରମ୍ଭ କରି ପ୍ରଶାସକ ଏବଂ ଡାକ୍ତରଖାନା ସୁବିଧା ପ୍ରଦାନକାରୀଙ୍କ ପର୍ଯ୍ୟନ୍ତ ଦୁଇ ଲକ୍ଷରୁ ଅଧିକ ସ୍ୱାସ୍ଥ୍ୟ ସେବା ଵୃତ୍ତିଧାରୀଙ୍କୁ ତାଲିମ ଦେଇଥିବା ଜାଣି ସେ ଖୁସି ।
ସେ କହିଛନ୍ତି, ଆତ୍ମନିର୍ଭରଶୀଳ ଭାରତ କେବଳ ଟୀକା ତିଆରି କରିନାହିଁ, ଅନ୍ୟ ଦେଶମାନଙ୍କୁ ମଧ୍ୟ ଟିକା ଯୋଗାଇ ପାଇଁ ସକ୍ଷମ ହୋଇଛି। ଇତିହାସରେ ସବୁଠାରୁ ବଡ ଟୀକାକରଣ ପ୍ରକ୍ରିୟା ଭାରତରେ ଚାଲିଛି ବୋଲି ସେ କହିଛନ୍ତି। ସେ କହିଛନ୍ତି ଯେ କୋଭିଡ ୧୯ ସମଗ୍ର ବିଶ୍ୱକୁ ଯନ୍ତ୍ରଣା ଏବଂ ଦୁଃଖ ଦେଇଛି। ଶ୍ରୀ କୋବିନ୍ଦ କହିଛନ୍ତି ଯେ ଆମେ ଆମର ଡାକ୍ତର ଏବଂ ସ୍ୱାସ୍ଥ୍ୟକର୍ମୀ ପାଇଁ ଗର୍ବିତ, ଯେଉଁମାନେ ନିଜ ଜୀବନକୁ ବାଜି ଲଗାଇ ନିରନ୍ତର ସେବା ଯୋଗାଇ ଦେଇଛନ୍ତି।
Comments are closed.