ନୂଆଦିଲ୍ଲୀ: ସୋସିଆଲ ମିଡିଆରେ କିକି ଚ୍ୟାଲେଞ୍ଜ ଚଳହ ପକାଇଛି। ସମଗ୍ର ବିଶ୍ବରେ ଏହି ଚ୍ୟାଲେଞ୍ଜକୁ ନେଇ ପ୍ରତିଦିନ ଶହଶହ ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳୁଛି । ସୁପର୍ ହିଟ୍ ଆଲ୍ବମ୍ ‘ଇନ୍ ମାଇଁ ଫିଲିଙ୍ଗ୍ସ୍’ଗୀତରେ ଅନୁପ୍ରାଣିତ ହୋଇ ‘କିକି ଚ୍ୟାଲେଞ୍ଜ’ ର ଆରମ୍ଭ ହୋଇଥିଲା। ଚାଲୁଥିବା କାରର ତାଳେ ତାଳେ ଡ୍ୟାନ୍ସ କରି ଏହି ଭିଡିଓକୁ ସୋସିଆଲ ମିଡିଆରେ ଭାୟରାଲ କରାଯାଉଛି। ଏହାକୁ ଦର୍ଶକମାନେ ବେଶ୍ ପସନ୍ଦ ମଧ୍ୟ କରୁଛନ୍ତି। ସେହିପରି ଏକ ଭିଡିଓ ୟୁଟୁବରେ ଲୋକଙ୍କୁ ମତୁଆଲା କରିଛି। ଏହି ଭିଡିଓରେ ଚାଷ ଜମିରେ ଗାଈ ସହ ଦୁଇ ଜଣ କୃଷକ କିକି ଚ୍ୟାଲେଞ୍ଜ୍ ଡ୍ୟାନ୍ସ କରୁଛନ୍ତି । ଏହି ଭିଡିଓକୁ ୧୬ ନିୟୁତ ଲୋକ ଦେଖିଛନ୍ତି। ‘କମେଡିଆନ୍’ ଏବଂ ‘ଡେଲି ସୋ’ର ଉପସ୍ଥାପକ ଟ୍ରେଓ୍ଵର୍ ନୋଆଃ ନିଜ ଇନ୍ଷ୍ଟାଗ୍ରାମ୍ରେ ସେ ଭିଡିଓକୁ ପୋଷ୍ଟ୍ କରିବା ସହ ସେମାନଙ୍କୁ ବଜୟୀ ବୋଲି ଘୋଷଣା କରିଛନ୍ତି।
କେବଳ ସେତିକି ନୁହେଁ, କିକି ଚ୍ୟାଲେଞ୍ଜରେ କେବଳ ମଣିଷ କାହିଁକି ଜୀବଜନ୍ତୁଙ୍କୁ ମଧ୍ୟ ସାମିଲ କରାଯାଇଛି। ଚଳାନ୍ତା କାର ଭିତରୁ କ୍ୟାମେରାରେ ଉତ୍ତେଳନ କରାଯାଉଥିବା ନୃତ୍ୟର ଦୃଶ୍ୟ ସମଗ୍ର ବିଶ୍ବରେ ଚଳ ପକାଇଛି । କେବଳ ଯୁବବର୍ଗ ନୁହେଁ ବୟୋଜେଷ୍ଠଙ୍କୁ ମଧ୍ୟ ଏହି ଚାଲେଞ୍ଜକୁ ନେଇ ଉତ୍ସାହିତ ରହିଥିବା ଦୃଶ୍ୟମାନ ହେଉଛି।
