ଆରଡି : ପବିତ୍ର ମହା ବିଷୁବ ସଂକ୍ରାନ୍ତିଠାରୁ ବାବା ଆଖଣ୍ଡଳମଣିଙ୍କ ପୀଠରେ ଆରମ୍ଭ ହୋଇଛି ବୈଶାଖୀବ୍ରତ। ଏହି ଅବସରରେ ଏକମାସଧରି ମଣିବାବା ଜଳଛାୟାରେ ରହିଥାନ୍ତି। ଏଥିପାଇଁ ମନ୍ଦିରର ପରମ୍ପରା ଅନୁଯାୟୀ ଗୋପାଳଭକ୍ତମାନେ ଏକମାସ ଧରି ବ୍ରତ ରଖିବା ସହ ପ୍ରତି ସୋମବାରରେ ବିଭିନ୍ନ ନଦୀରୁ ଜଳଭାର ଧରି ମଣିବାବାଙ୍କ ପାଖକୁ ଆସି ସେବାୟତଙ୍କ ଦ୍ବାରା ଜଳଲାଗି କରିଥାନ୍ତି। । ବୈଶାଖ୍ଯମାସର ୨ୟ ସୋମବାରରେ ଗୋପାଳଭକ୍ତଙ୍କ ସହ ଭକ୍ତଙ୍କ ଭିଡ ଜମିଥିଲା । ଗ୍ରୀଷ୍ମ ଋତୁରେ ପ୍ରଚଣ୍ଡ ରୁଦ୍ରତାପରୁ ମଣିବାବାଙ୍କର ଉପଶମ ନିମନ୍ତେ ଶହଶହ ବର୍ଷ ଧରି ଆରଡିପୀଠରେ ଏହି ପ୍ରଥା ପାଳିତ ହୋଇ ଆସୁଥିବା କହିଛନ୍ତି ଭକ୍ତ ଓ ସେବାୟତ। ଭକ୍ତମାନଙ୍କର ଭିଡକୁ ଦୃଷ୍ଟିରେ ରଖି ଜିଲା ପୁଲିସ ଓ ମନ୍ଦିର ପ୍ରଶାସନ ପକ୍ଷରୁ ପୀଠରେ କଡା ସୁରକ୍ଷା ବ୍ଯବସ୍ଥା ଗ୍ରହଣ କରାଯାଇଥିଲା। ସେହିପରି ଶୃଙ୍ଖଳିତ ଦର୍ଶନ ଓ ଜଳଲାଗି ପାଇଁ ମନ୍ଦିର ଭିତରେ ବାହାରେ ବ୍ଯାରିକେଡ ବ୍ଯବସ୍ଥା କରାଯାଇଥିଲା। ଅନ୍ଯପଟେ ଦୈନନ୍ଦିନ ନୀତିନୀର୍ଘଣ୍ଟର ସାମନ୍ଯ ପରିବର୍ତ୍ତନ କରାଯାଇ ଭୋର ୪ଟାରେ ଦ୍ବାରଫିଟା ଯାଇ ମଙ୍ଗଳ ଆଳତୀ ସହ ଘର୍ଷଣଲାଗି, ଘର୍ଷଣଲାଗି ହେବା ପରେ ମଣିବାବାଙ୍କୁ ଦିଗମ୍ବର ବେଶରେ ପହିଲି ବାଲ୍ଯଭୋଗ ସମ୍ପନ୍ନ ହୋଇଛି । ସକାଳ ୬ଟାରୁ ଗୋପାଳଭକ୍ତମାନେ ଧାଡିରେ ଯାଇ ଜଳଲାଗି କରୁଛନ୍ତି। ସମସ୍ତ ସକାଳ ଧୂପ ମଧ୍ଯାହ୍ନ ୧ଟା ସୁଦ୍ଧା ସରିବା ପରେ ଅବକାଶ ନୀତି ସରିବା ପରେ ଅପରାହ୍ନରେ ବଡସିହାଂର ବେଶରେ ମଣିବାବାଙ୍କୁ ସଜ୍ଜିତ କରାଯାଇ ସମସ୍ତ ନୀତି କରାଯାଇଥିଲା।
Comments are closed.