ପାଟଣା : ସାହାରପଡାଠାରୁ କେନ୍ଦୁଝରକୁ ଯାଇଥିବା ପୂର୍ତ୍ତ ବିଭାଗ ରାସ୍ତା ତିଆରି କାମ ଆଜକୁ ପାଞ୍ଚ ବର୍ଷ ହେଲାଣି ଚାଲିଛି । ଦୁଇ ବର୍ଷ ତଳେ ଜଣେ ଠିକାଦାର କାମ ଅଧା କରି ଛାଡି ଚାଲି ଯାଇଥିଲେ। ପୁଣି ଦୁଇ ବର୍ଷ ପରେ ନୂତନ ଠିକାଦାର ନିଯୁକ୍ତ କରି ବାକିଆ କାମ କରା ଯାଉଛି । ବିଲା ଛକରେ ରାସ୍ତା କଡରେ ଡ୍ରେନ ତିଆରି ହେଉଛି । ଶହେ ମିଟର ଡ୍ରେନକୁ ଦୁଇ ମାସ ସମୟ ଲାଗିଲାଣି କିନ୍ତୁ କାମ ସରୁ ନାହିଁ । ଠିକାଦାର ନିଜ ଇଛାରେ କାମ କରୁଛନ୍ତି । କାମ ପୁଣି ଏତେ ନିମ୍ନ ମାନର ଯେ ଏହା ଅଳ୍ପ ଦିନରେ ନଷ୍ଟ ହେବା ଆଶଙ୍କା ସୃଷ୍ଟି ହୋଇଛି । କିଛି ସ୍ଥାନରେ କଂକ୍ରିଟ ଖସି ଯାଇଥିବାରୁ ସେ ସ୍ଥାନରେ ପୁନର୍ବାରକାମ ନକରି ହାତରେ କିଛି ସିମେଣ୍ଟ ଗୋଳା ଚିପ୍ସକୁ ହାତରେ ଘଷି ଦିଆଯାଉଛି । ଗୋଟିଏ ପାଣି ମାଡ଼ରେ ଡ୍ରେନଟି ଭୁଶୁଡି ପଡ଼ିବ ବୋଲି ଲୋକେ ଅଭିଯୋଗ କରିଛନ୍ତି। କାମଟିକୁ ବିଭାଗୀୟ ଅଧିକାରୀଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଠିକ ଭାବରେ କରାଯାଉ ବୋଲି ସ୍ଥାନୀୟ ଅଧିବାସୀ ମତ ରଖିଛନ୍ତି।
Popular Categories
Previous article
Next article