ଭୁବନେଶ୍ବର: ଓଡ଼ିଆ ଝିଅ ଅଦିତି ପରିଡ଼ା ସିଡିଏସ୍-୨୦୨୦ ପରୀକ୍ଷାରେ ଟପ୍ପର ହୋଇଛନ୍ତି। କମ୍ବାଇନ୍ଡ ଡିଫେନ୍ସ ସର୍ଭିସେସ୍(ସିଡିଏସ୍) ମିଳିତ ପ୍ରତିରକ୍ଷା ପ୍ରବେଶିକା ପରୀକ୍ଷା ମହିଳା ବର୍ଗରେ ଅଦିତି ପରିଡ଼ା ଟପ୍ପର ହୋଇଥିବା ଅଫିସିଆଲ୍ ସୂତ୍ରରୁ ସୂଚନା। ପ୍ରଥମ ଓଡ଼ିଆ ଝିଅ ଭାବେ ଅଦିତି ପରିଡ଼ାଙ୍କୁ ମିଳିଛି ଏହି ସଫଳତା। ଅଦିତିଙ୍କ ବାପା ଜଣେ ଆର୍ମି ବ୍ରିଗେଡିୟର୍ ଥିବା ସୂଚନା ଜଣାପଡ଼ିଛି।
କମ୍ବାଇନ୍ଡ ଡିଫେନ୍ସ ସର୍ଭିସେସ୍(ସିଡିଏସ୍) ମିଳିତ ପ୍ରତିରକ୍ଷା ପ୍ରବେଶିକା ପରୀକ୍ଷାଫଳ ପ୍ରକାଶ ପାଇଛି। ଏଥିରେ ସାରା ଦେଶରୁ ୨୪୧ଜଣ ଛାତ୍ରଛାତ୍ରୀଙ୍କ ମେଧାତାଲିକା ପ୍ରକାଶ କରାଯାଇଛି। ସେଥିମଧ୍ୟରୁ ଚେନ୍ନାଇର ଅଫିସର୍ସ ଟ୍ରେନିଂ ଏକାଡେମିରେ ସର୍ଟ ସର୍ଭିସ୍ କମିଶନ୍ ୱମେନ୍(ନନ୍ ଟେକ୍ନିକାଲ୍) କୋର୍ସରେ ଯୋଗଦେବା ପାଇଁ ୬୭ଜଣ ଛାତ୍ରୀଙ୍କୁ ସଫଳତା ମିଳିଛି। ଏହି ୬୭ଜଣ ଛାତ୍ରୀ ଅଫିସର୍ସ ପରୀକ୍ଷାରେ ଉତ୍ତୀର୍ଣ୍ଣ ହୋଇ ଚେନ୍ନାଇ ଅଫିସର୍ସ ଟ୍ରେନିଂ ଏକାଡେମିରେ ପ୍ରଶିକ୍ଷଣ ନେବେ। ସେହିପରି ଚେନ୍ନାଇ ଅଫିସର୍ସ ଟ୍ରେନିଂ ଏକାଡେମିରେ ପ୍ରଶିକ୍ଷଣ ପାଇଁ ୧୭୪ଜଣ ପ୍ରାର୍ଥି ମନୋନୀତ ହୋଇଥିବା ଜଣାପଡ଼ିଛି।
Comments are closed.