ମୃତ୍ୟୁ ଦୁନିଆର ସବୁଠାରୁ ବଡ଼ ରହସ୍ୟ ଅଟେ। ମୃତ୍ୟୁର ପରବର୍ତ୍ତୀ ଦୁନିଆ ସମ୍ବନ୍ଧରେ ବହୁତ ଲୋକ ବହୁତ କିଛି କହିଥା’ନ୍ତି, ହେଲେ ବାସ୍ତବରେ ମୃତ୍ୟୁ ପରେ କ’ଣ ହୋଇଥାଏ ସେ ବିଷୟରେ କାହାକୁ ଜଣା ନଥାଏ। ସ୍ୱର୍ଗ ଓ ନର୍କର ଦୁନିଆ ସମ୍ବନ୍ଧରେ କାହାକୁ କିଛି ଜଣା ନଥାଏ, ହେଲେ ବହୁତ ଲୋକ ଏ ସମ୍ପର୍କରେ ଜାଣିଥା’ନ୍ତି ଯେ ମୃତ୍ୟୁର ଠିକ୍ ପୂର୍ବରୁ ବ୍ୟକ୍ତିଙ୍କୁ କିଛି ଏପରି ସଙ୍କେତ ମିଳିଥାଏ ଯାହାଦ୍ୱାରା ତାଙ୍କୁ ଜଣା ପଡ଼ିଯାଇଥାଏ ଯେ ଏହି ଦୁନିଆରେ ତାଙ୍କ ସମୟ ପୂରା ହୋଇଯାଇଛି। ତେବେ ଆସନ୍ତୁ ଜାଣିବା ସେହି ସଙ୍କେତ ଗୁଡ଼ିକ ବିଷୟରେ –
ଏକ ଗବେଷଣାରୁ ଜଣାପଡି଼ଛି ଯେ, ମୃତ୍ୟୁ ପୁର୍ବରୁ ମଣିଷ ସାମ୍ନାରେ ବହୁତ ପ୍ରକାର ଦୃଶ୍ୟ ଦେଖା ଦେଇଥାଏ। ସେଥିରେ ବିଭିନ୍ନ ଛାୟା ଦେଖା ଦେଇଥାଏ। ଏହା ମଧ୍ୟ କୁହାଯାଇଥାଏ ଯେ ମଣିଷକୁ ମୃତ୍ୟୁ ପୂର୍ବରୁ ନିଜ ଘରର କୋଣରେ ନିଜ ପ୍ରିୟଜନଙ୍କ ଛାୟା ଦେଖା ଦେଇଥାଏ। କାହାକୁ ନିଜ ପିତୃପୁରୁଷ କିମ୍ବା ପିତା ମଧ୍ୟ ଦେଖା ଦେଇଥା’ନ୍ତି। ମୃତ୍ୟୁର କିଛି ଘଣ୍ଟା କିମ୍ବା କିଛି ଦିନ ପୂର୍ବରୁ ନିଜ ଆଖପାଖରେ ଏଭଳି ବିଭିନ୍ନ ଛାୟା ଦେଖା ଦେଇଥାଏ ବା ଅନୁଭବ ହୋଇଥାଏ। ଏପରି ହେବା ଦ୍ୱାରା ସେହି ବ୍ୟକ୍ତିଙ୍କୁ ଜଣା ପଡ଼ିଥାଏ ଯେ ତାଙ୍କର ଏହି ଦୁନିଆରୁ ବିଦାୟ ନେବାର ସମୟ ଆସିଯାଇଛି। ହେଲେ ଅକାଳ ମୃତ୍ୟୁ ହେଉଥିବା ବ୍ୟକ୍ତିଙ୍କ ସହ ଏପରି ହୋଇନଥାଏ, କାରଣ ସେମାନଙ୍କ ମୃତ୍ୟୁ ହଠାତ୍ ଆସିଥାଏ।
