ନୂଆଦିଲ୍ଲୀ: ଭାରତ-ଚୀନ୍ ସୀମାନ୍ତବର୍ତୀ ଅଞ୍ଚଳରେ ନିଯୁକ୍ତ ଆଇଟିବିପି (ଭାରତ-ତିବ୍ବତ ସୀମା ସୁରକ୍ଷା ପୁଲିସ)ର ଯବାନମାନେ ସାହସ ଓ ଲଢ଼ୁଆ ମନୋଭାବ ନେଇ ବେଶ୍ ପରିଚିତ । କେବଳ ସେତିକି ନୁହେଁ ସ୍ଥାନୀୟ ବାସିନ୍ଦାଙ୍କ ପାଇଁ ଏହି ଯବାନମାନେ ବେଳେବେଳେ ଦେବଦୂତ ପରି କାର୍ଯ୍ୟ କରିଥାଆନ୍ତି । ଉତ୍ତରାଖଣ୍ଡ ପାହାଡ଼ିଆ ଅଞ୍ଚଳରେ ଏପରି ଏକ ଘଟଣା ନଜରକୁ ଆସିଛି ଯେଉଁଥିରେ ଆଇଟିବିପି ଯବାନଙ୍କ କାର୍ଯ୍ୟ ସାରା ଦେଶର ଦୃଷ୍ଟି ଆକର୍ଷଣ କରିଛି । ଆଇଟିବିପିର ଯବାନମାନେ ଜଣେ ଆହତ ମହିଳାଙ୍କୁ ଘାଟି ରାସ୍ତାରେ ପ୍ରାୟ ୧୫ ଘଣ୍ଟା କାନ୍ଧରେ ବୋହି ଡ଼ାକ୍ତରଖାନା ନେବା ନିମନ୍ତେ ସଡ଼କ ପର୍ଯ୍ୟନ୍ତ ପହଞ୍ଚାଇଛନ୍ତି । ଯବାନମାନଙ୍କ ଏହି କାର୍ଯ୍ୟ ନିମନ୍ତେ ସ୍ଥାନୀୟ ଲୋକ ସେମାନଙ୍କୁ ଢ଼େର ପ୍ରଶଂସା କରିଛନ୍ତି ।
#WATCH: ITBP jawans travelled 40-km on foot for 15 hours carrying an injured woman on a stretcher from a remote village, Lapsa to Munsyari in Pithoragarh, Uttarakhand yesterday. During this journey, they crossed flooded nullahs & landslide-prone areas: ITBP pic.twitter.com/kTycp5IizR
— ANI (@ANI) August 23, 2020
