ନୂଆଦିଲ୍ଲୀ : ଭାରତରେ କାର୍ଯ୍ୟରତ ମହିଳାଙ୍କ ଦରମା ପୁରୁଷଙ୍କ ତୁଳନାରେ ୨୦% କମ୍ ବୋଲି ଏକ ସର୍ବେକ୍ଷଣରୁ ଜଣାପଡିଛି । ରିପୋର୍ଟ ଅନୁସାରେ ଦରମା ନିର୍ଦ୍ଧାରଣ କ୍ଷେତ୍ରରେ କର୍ମଚାରୀ ପୁରୁଷ କି ମହିଳା ତାହା ଗୁରୁତ୍ୱ ବହନ କରିଥାଏ । ‘ମୋନଷ୍ଟର ସ୍ୟାଲେରୀ ଇଣ୍ଡେକ୍ସ’ (ଏମ୍ଏସ୍ଆଇ) ନାମରେ ଏହି ରିପୋର୍ଟ ପ୍ରକାଶ କାିଛି । ଏଥିରେ ଏକ ଆନୁମାନିକ ଆକଳନ ଅନୁସାରେ ପୁରୁଷ ପ୍ରତି ଘଣ୍ଟା ୨୩୧ ଟଙ୍କା ଏବଂ ମହିଳା ୧୮୪.୮ ଟଙ୍କା ଆୟ କରିଥାନ୍ତି । ମୋନଷ୍ଟର ଡଟ କମ୍ର ସିଇଓ ଅଭିଜିତ୍ ମୁଖାର୍ଜୀଙ୍କ କହିବା ଅନୁସାରେ ମହିଳା ଓ ପୁରୁଷଙ୍କ ଦରମାରେ ୨୦% ପ୍ରଭେଦ ବହୁତ ବଡ଼। ଏହି ବ୍ୟବଧାନ ଧୀରେ ଧୀରେ ହ୍ରାସ ପାଇବାରେ ଲାଗିଛି । ୨୦୧୬ରେ ଏହି ବ୍ୟବଧାନ ୨୪.୮% ଥିଲା । ୨୦୧୭ରେ ଏହା ୫% ହ୍ରାସ ପାଇ ୨୦%ରେ ପହଞ୍ଚିଛି । ମୋନଷ୍ଟର ଡଟ କମର ଏହି ସର୍ବେକ୍ଷଣରେ ୫,୫୦୦ ମହିଳା ଓ ପୁରୁଷଙ୍କୁ ସାମିଲ କରାଯାଇଥିଲା । ଏହି ସର୍ବେକ୍ଷଣରେ ସାମିଲ ୩୬% ଲୋକ ଦରମାରେ ପାତରଅନ୍ତରକୁ ସ୍ୱୀକାର କରିଥିଲେ ।
