ମୁମ୍ବଇ : ଅଭିନେତା ଅନିଲ କପୁର ଓ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଅଭିନୀତ ଚଳଚ୍ଚିତ୍ର ଫନେଖାନର ଟିଜର ମୁକ୍ତିଲାଭ କରିଛି। ଟିଜରରେ ଅଭିନେତା ଅନିଲ କପୁର ଏକ ସାଧାରଣ ନାଗରିକଙ୍କ ଭୂମିକାରେ ନଜର ଆସିଥିବାବେଳେ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ଏକ ରକଷ୍ଟାର ଭୂମିକାରେ ଦେଖିବାକୁ ମିଳିଛି। ଚଳଚ୍ଚିତ୍ରରେ ଫନେଖାନର ପ୍ରକୃତ ମୂଲ୍ୟ କଣ ବୁଝାଇବାକୁ ଚେଷ୍ଟା କରାଯାଇଛି। ଜଣେ ସାଧାରଣ ଲୋକର କ’ଣ ସବୁ ସ୍ୱପ୍ନ ରହିଛି ତାକୁ ଏହି ଚଳଚ୍ଚିତ୍ରରେ ଦେଖାଇବାକୁ ଚେଷ୍ଟା କରାଯାଇଛି। ଚଳଚ୍ଚିତ୍ର ଫନେ ଖାନର ଟିଜରର ଅଭିନେତ୍ରୀ ଐଶ୍ୱର୍ଯ୍ୟା ରାୟ ରକଷ୍ଟାରଙ୍କ ଭଳି ଗୀତ ଗାଉଥିବା ବେଳେ ଅଭିନେତା ଅନିଲ କପୁର ଲୁଙ୍ଗି ପିନ୍ଧି ଏକ କାର ଡ୍ରାଇଭ କରୁଥିବା ଦେଖିବାକୁ ମିଳିଛି। ସଙ୍ଗୀତର ଜଣେ ବଡ଼ ପ୍ରଶଂସକ ଭାବେ ଅନିଲ କପୁର ନିଜ ଘରର ଛାତ ଉପରେ ବାଦ୍ୟ ଯନ୍ତ୍ର ବଜାଇ ଗୀତ ଗାଉଥିବା ଦେଖାଯାଇଛି। ଏହି ଚଳଚ୍ଚିତ୍ରରେ ଅନିଲ ଓ ଐଶ୍ୱର୍ଯ୍ୟାଙ୍କ ବ୍ୟତୀତ ଅଭିନେତା ରାଜ କୁମାର ରାଓ ମଧ୍ୟ ନଜରକୁ ଆସିବେ।
