ମୁମ୍ବଇ: ସିଦ୍ଧାର୍ଥ କୁମାର ତିୱାରୀଙ୍କ ନିର୍ଦ୍ଦେଶିତ ‘ମହାଭାରତ’ ଧାରାବାହିକ କାହାକୁ ଅବା ଭଲ ନ ଲାଗେ। ୨୦୧୩ରେ ଷ୍ଟାରପ୍ଲସରେ ପ୍ରସାରିତ ହୋଇଥିବା ଏହି ଧାରାବାହିକ ଦେଖିବା ପାଇଁ ଲୋକେ ନିଜ କାମ ଭୁଲି ଯାଉଥିଲେ। ଏହି ଲକ୍ଡାଉନ ସମୟରେ ଲୋକଙ୍କ ମନୋରଞ୍ଜନ ପାଇଁ ଏବେ ପୁନର୍ବାର ମଧ୍ୟ ଏହାକୁ ପ୍ରସାରିତ କରାଯାଉଛି। ତେବେ କ’ଣ ଆପଣ ଜାଣନ୍ତି, ସିଦ୍ଧାର୍ଥ ତିୱାରୀଙ୍କ ଏହି ‘ମହାଭାରତ’ ଭାରତୀୟ ଟେଲିଭିଜନର ସବୁଠାରୁ ଦାମୀ ଧାରାବାହିକ ଥିଲା। ୧୦୦ କୋଟି ବଜେଟରେ ତିଆରି ହୋଇଥିବା ଭାରତୀୟ ଟେଲିଭିଜନର ଏହା ପ୍ରଥମ ଶୋ’ ଥିଲା।
କେବଳ ସେତିକି ନୁହେଁ ୨୦୧୩ରେ ଦେଶର ଆଠଟି ସହରର ସପିଂ ମଲରେ ମହାଭାରତର ସଂଗ୍ରହାଳୟ ସ୍ଥାପନ କରାଯାଇଥିଲା। ଏହି ସଂଗ୍ରହାଳୟରେ ଲୋକମାନେ ସିରିଏଲରେ ଚରିତ୍ରମାନଙ୍କ ଦ୍ୱାରା ବ୍ୟବହୃତ ଅଳଙ୍କାର, ପୋଷାକ ଏବଂ ଉପକରଣଗୁଡ଼ିକୁ ଦେଖିପାରୁଥିଲେ।ଜମ୍ମୁ କାଶ୍ମୀର, ହିମାଚଳ ପ୍ରଦେଶ, ମଧ୍ୟପ୍ରଦେଶ ଏବଂ ଗୁଜରାଟ ଇତ୍ୟାଦି ଦେଶର ସୁନ୍ଦର ସ୍ଥାନରେ ଏହି ସିରିଏଲର ଶୁଟିଂ କରାଯାଇଥିଲା। ଏଥିରେ ଶାହିର ଶେଖ ଅର୍ଜୁନ ଭୂମିକାରେ, ପୂଜା ଶର୍ମା ଦ୍ରୌପଦୀ ଓ ସୌରଭ ଜୈନ କୃଷ୍ଣଙ୍କ ଭୂମିକାରେ ଅଭିନୟ କରିଥିଲେ।
ଏକ ରିପୋର୍ଟ ଅନୁସାରେ ଏହି ସିରିଏଲ ନିର୍ମାଣ ପାଇଁ ୫ ବର୍ଷ ସମୟ ଲାଗିଥିଲା। ୫ ବର୍ଷରୁ ପ୍ରସ୍ତୁତି ପରେ ଏହି ସିରିଏଲକୁ ପ୍ରସାରିତ କରାଯାଇଥିଲା।
Comments are closed.