ପାଟନା : ବିହାରର ଖାଗରିଆ ଜିଲାରେ ଆମ୍ବ ତୋଳିବାକୁ ନେଇ୧୦ ବର୍ଷର ଜଣେ ନାବାଳକଙ୍କୁ ଆମ୍ବବଗିଚାର ରକ୍ଷୀ ଗୁଳି କରି ହତ୍ୟା କରିଛି। ଗୋଗ୍ରି ଅନ୍ତର୍ଗତ ଶେରଗଡ଼ ନିବାସୀ ମାକୁନି ଯାଦବଙ୍କ ପୁଅ ସତ୍ୟମ କୁମାର ଗ୍ରାମରେ ଥିବା ଏକ ଆମ୍ବ ବଗିଚାରେ ପ୍ରଚୁର ଆମ୍ବ ହୋଇଥିବା ଦେଖି ଲୋଭ ସମ୍ବରଣ କରି ପାରି ନ ଥିଲେ। ଫଳରେ ବଗିଚାକୁ ଲୁଚିଲୁଚି ଯାଇ କିଛି ଆମ୍ବ ତୋଳିଥିଲେ। ଏହି ସମୟରେ ବଗିଚାର ରକ୍ଷୀ ରାମାଶିଷ ଯାଦବ ତାଙ୍କୁ ଗୁଳି କରିଥିଲେ। ମୁଣ୍ଡରେ ଗୁଳିବାଜିବାରୁ ସତ୍ୟମ ଘଟଣାସ୍ଥଳରେ ଟଳିପଡିଥିଲେ। ଏହି ଘଟଣା ପ୍ରଚାର ହେବା ମାତ୍ରେ କ୍ରୋଧାନ୍ୱିତ ଶହଶହ ଗ୍ରାମବାସୀ ସେଠାରେ ପହଞ୍ଚିବା ସହ ବିକ୍ଷୋଭ ପ୍ରଦର୍ଶନ କରିଥିଲେ। ସେମାନେ ଅଭିଯୁକ୍ତ ରାମାଶିଷଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବି କରିଥିଲେ। ପୁଲିସ ଏହି ଘଟଣାରେ ୨ ଜଣଙ୍କ ନାମରେ ମାମଲା ରୁଜୁ କରି ତଦନ୍ତ ଚଳାଇଛି।
