ରାଞ୍ଚି: ପଥପ୍ରାନ୍ତ ନାଟକ ପରିବେଷଣ ସହିତ ସର୍ବେକ୍ଷଣ କରିବାକୁ ଯାଇଥିବା ଏକ ବେସରକାରୀ ସଂସ୍ଥାର ୫ ମହିଳାଙ୍କୁ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ଝାଡ଼ଖଣ୍ଡରେ ଘଟିଛି ଏହି ଅଘଟଣ। ମଙ୍ଗଳବାର ଅପରାହ୍ଣରେ ଏକ ବେସରକାରୀ ସଂସ୍ଥାର ୧୧ ଜଣିଆ ଟିମ୍ ମାନବ ଚାଲାଣ ବିଷୟବସ୍ତୁ ଉପରେ ଏକ ପଥପ୍ରାନ୍ତ ନାଟକ ପ୍ରଦର୍ଶନ କରିବାକୁ ଯାଇଥିଲେ। ନାଟକ ଚାଲିଥିବା ବେଳେ ଦଳେ ବ୍ୟକ୍ତି ବନ୍ଧୁକ ଧରି ସେଠାରେ ପହଞ୍ଚିଥିଲେ। ସେଠାରେ ଥିବା ପୁରୁଷମାନଙ୍କୁ ମାଡ଼ ମାରି ମହିଳାଙ୍କୁ ଅପହରଣ କରି ନେଇ ବଳାତ୍କାର କରିଥିବା ଅଭିଯୋଗ ହୋଇଛି। ଅଭିଯୋଗ ଆଧାରରେ ୯ ଜଣଙ୍କୁ ପୁଲିସ ଅଟକ ରଖିଛି। ମହିଳାଙ୍କ ଡାକ୍ତରୀ ମାଇନା କରାଯାଇଛି।
