ଲୁଧିଆନା: ସିନେମା ଅବନେତା କିମ୍ବା ନାମୀଦାମୀ ଖେଳାଳୀଙ୍କୁ ଭେଟିବାପାଇଁ ଯୁବତୀମାନେ ହଜାର ହଜାର କିଲୋମିଟର ଯାତ୍ରା କରୁଥିବା କଥା ଆପଣ ଜାଣିଥିବେ । ଏପରିକି ଅନ୍ତର୍ଜାତୀୟ କ୍ରିକେଟ ଖେଳାଳୀମାନଙ୍କୁ ଭେଟିବା ପାଇଁ ତାଙ୍କର ମହିଳା ପ୍ରଶଂସକମାନେ ପହଞ୍ଚିଥାଆନ୍ତି ।
ମାତ୍ର ଜଣେ ଆଇପିଏସ୍ ଅଧିକାରୀଙ୍କ ସୌନ୍ଦର୍ଯ୍ୟରେ ଆକର୍ଷିତ ହୋଇ ଜଣେ ମହିଳା ପ୍ରଶଂସକ ତାଙ୍କୁ ଭେଟିବା ପାଇଁ ୧୨ଶହ କିଲୋମିଟର ଯାତ୍ରାକରିଛନ୍ତି । ପଞ୍ଜାବର ୨୭ ବର୍ଷୀୟା ମହିଳା ଉଜ୍ଜୟନୀରେ ଏସ୍ପି ସଚୀନ ଅତୁଲଙ୍କରଙ୍କ ଫଟୋ ଦେଖି ଆକର୍ଷିତ ହୋଇଥିଲେ । ସେ ତାଙ୍କୁ ଭେଟିବା ପାଇଁ ଉଜ୍ଜୟନୀରେ ପହଞ୍ଚିଛନ୍ତି । ଉଜ୍ଜୟନୀରେ ପହଞ୍ଚିବା ପରେ ପୁଲିସତାଙ୍କୁ ପୁଣି ଥରେ ପଞ୍ଜାବ ଫେରିଯିବା ପାଇଁ ଟ୍ରେନ୍ ପାଖକୁ ନେବା ବେଳେ ସେ ଟ୍ରେନ୍ରୁ ଡେଇଁ ପଡିବେ ବୋଲି ଧମକାଇଥିଲେ । ସେ ପଞ୍ଜାବର ହୋସିପୁରରୁ ମଧ୍ୟପ୍ରଦେଶର ଉଜ୍ଜୟନୀକୁ ଆସିଥିଲେ । ତାଙ୍କୁ ଏବେ ପୁଲିସ ତାଙ୍କୁ ଏକ ପରାମର୍ଶ କେନ୍ଦ୍ରରେ ରଖି ପରାମର୍ଶ କରୁଛି ।