ମୁମ୍ବଇ: ବଲିଉଡ୍ ପ୍ରଯୋଜକ କରିମ ମୋରାନି କରୋନା ଲଢେଇ ଜିତି ଘରକୁ ଫେରିଛନ୍ତି। ସେ ଓ ତାଙ୍କ ୨ ଝିଅ ଶଜା ଓ ଜୋଆ କରୋନା ସଂକ୍ରମିତ ହୋଇଥିଲେ। ପୂର୍ବରୁ ଶଜା ଓ ଜୋଆ ସୁସ୍ଥ ହୋଇ ଘରକୁ ଫେରିଥିବା ବେଳେ ଏବେ କରିମ କରୋନାକୁ ହରାଇ ସୁସ୍ଥ ହୋଇ ଘରକୁ ଫେରିଛନ୍ତି। ତାଙ୍କର ୨ଟି ରିପୋର୍ଟ ନେଗେଟିଭ୍ ଆସିବା ପରେ ମୁମ୍ବଇ ସ୍ଥିତ ନାନାବତି ହସ୍ପିଟାଲର ଡାକ୍ତର ତାଙ୍କୁ ଡିସଚାର୍ଜ କରି ଦେଇଥିବା ସୂଚନା ମିଳିଛି। ଘରକୁ ଆସିବା ପରେ କରିମ ନିଜ ପରିବାରବର୍ଗ ଓ ସାଙ୍ଗସାଥୀଙ୍କୁ ଏହି ସୂଚନା ସାମାଜିକ ଗଣମାଧ୍ୟମ ଜରିଆରେ ଦେଇଛନ୍ତି। ଘରକୁ ଆସିବା ପରେ ସେ ଶାନ୍ତି ଓ ସୁରକ୍ଷିତ ଅନୁଭବ କରୁଛନ୍ତି ବୋଲି କହିଛନ୍ତି। ଏଥିସହ କରୋନା ବିରୋଧରେ ସରକାରଙ୍କଠାରୁ ଆରମ୍ଭ କରି ଡାକ୍ତରୀ ଯୋଦ୍ଧା ପର୍ୟ୍ୟନ୍ତ ସମସ୍ତେ ଉତ୍ତମ କାର୍ୟ୍ୟ କରୁଛନ୍ତି। ଏଥିପାଇଁ ସେମାନେ ସର୍ବଦା ପ୍ରଶଂସନୀୟ ହୋଇ ରହିବେ ବୋଲି କରିମ କହିଛନ୍ତି। ବର୍ତ୍ତମାନ କରିମ ୧୪ ଦିନ ଯାଏ ଘରେ କ୍ୱାରାଣ୍ଟାଇନ୍ରେ ରହିବେ।
Popular Categories
Previous article
Next article