ପୁଣେ : କରୋନା ଭୂତାଣୁ ବିପକ୍ଷ ଲଢ଼େଇରେ ଡାକ୍ତର ଓ ସ୍ୱାସ୍ଥ୍ୟକର୍ମୀମାନଙ୍କ ସୁରକ୍ଷା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏ ସଂକ୍ରାନ୍ତରେ ପୁଣେରୁ ଏକ ଭଲ ଖବର ମିଳିଛି। ପୁଣେର ସିଣ୍ଡିଓସିସ୍ ସେଣ୍ଟର୍ ଫର୍ ନାନୋ ସାଇନ୍ସ୍ ଆଣ୍ଡ ଟେକ୍ନୋଲୋଜି ଓ ସିଣ୍ଡିଓସିସ୍ ସ୍କୁଲ୍ ଅଫ୍ ବାୟୋଲୋଜିକାଲ୍ ସାଇନସେସ୍ର ମୁଖ୍ୟ ବୈଜ୍ଞାନିକମାନେ ଏକ ନୂଆ ବୈଷୟିକ ଜ୍ଞାନର ବିକାଶ କରିଛନ୍ତି, ଯାହା ଏକ ଆଣ୍ଟି ମାଇକ୍ରୋବାୟଲ୍ କୋଟିଙ୍ଗ୍। ବୈଜ୍ଞାନିକମାନଙ୍କ ମତରେ ଏହି ବୈଷୟିକ ଜ୍ଞାନ Sars-CoV-2ର ସଫଳତାର ସହ ମୁକାବିଲା କରିପାରିବ। ଯଦି ଏହା ସଫଳ ରହିବ, ତେବେ ଏହି କୋଟିଙ୍ଗ୍କୁ ଡାକ୍ତର ଓ ଚିକିତ୍ସା କର୍ମଚାରୀମାନେ ବ୍ୟବହାର କରୁଥିବା ବ୍ୟକ୍ତିଗତ ସୁରକ୍ଷା ସରଞ୍ଜାମ କିଟ୍, ମାସ୍କ, ଗାଉନ୍, ଗ୍ଲୋଭ୍ସ୍ ଓ ମୁଖ ଆବୃତ୍ତ କରି ରଖିବା ପାଇଁ ଅନ୍ୟାନ୍ୟ ପଦାର୍ଥରେ ଲଗାଯାଇପାରିବ।
ଏହି ବିଶେଷଜ୍ଞ ଟିମ୍ର ସଦସ୍ୟ ଡକ୍ଟର ପ୍ରେମ୍ ପାଣ୍ଡେ କହିଛନ୍ତି,ଏହି କୋଟିଙ୍ଗ୍ ଡାକ୍ତର ଓ ଚିକିତ୍ସା କର୍ମୀମାନଙ୍କର ସୁରକ୍ଷାକୁ ବହୁମାତ୍ରାରେ ବୃଦ୍ଧି କରିପାରିବ। ଫଳରେ ଭୂତାଣୁରେ ସଂକ୍ରମିତ ଲୋକମାନଙ୍କ ସଂସ୍ପର୍ଶରେ ଆସୁଥିବା ଡାକ୍ତର ଓ ଚିକିତ୍ସା କର୍ମୀମାନେ ଅଥିକ ସୁରକ୍ଷିତ ରହିପାରିବେ।
