ମୁମ୍ବଇ: କରୋନା ଭାଇରସ୍ ମହାମାରୀ ସାରା ବିଶ୍ବକୁ ଗ୍ରାସ କରିବାକୁ ବସିଛି। ଏହିଭଳି ସ୍ଥିତିରେ ବଲିଉଡର ଅନେକ ତାରକା କରୋନା ଭୂତାଣୁ ବିରୋଧରେ ମିଳିତ ଭାବେ ଲଢୁଥିବା ଦେଖିବାକୁ ମିଳିଛି। ସେଥି ମଧ୍ୟରୁ ଜଣେ ହେଉଛନ୍ତି ବଲିଉଡର ଖିଲାଡି ବୟ ଅକ୍ଷୟ କୁମାର। ଅକ୍ଷୟ ପୂର୍ବରୁ କରୋନା ସହ ଲଢିବାକୁ ସହାୟତାର ହାତ ବଢାଇଥିବା ବେଳେ ଏବେ ପୁଣିଥରେ ସେ ସହାୟତାର ହାତ ବଢାଇଥିବା ଜଣାପଡ଼ିଛି। କରୋନା ବିରୋଧରେ ଲଢିବା ପାଇଁ ପର୍ସନାଲ ପ୍ରୋଟେକଟିଭ୍ ଇକ୍ୟୁପମେଣ୍ଟ(ପିପିଇ) ମାସ୍କ ଓ ର଼୍ୟାପିଡ ଟେଷ୍ଟିଙ୍ଗ କିଟ୍ ପ୍ରସ୍ତୁତ କରିବାକୁ ବୃହାନ ମୁମ୍ବଇ ନଗର ନିଗମ(ବିଏମସି)କୁ ଅକ୍ଷୟ ୩ କୋଟି ଟଙ୍କା ସହାୟତା କରିଛନ୍ତି।
ଉଲ୍ଲେଖ ଯୋଗ୍ୟ, ପୂର୍ବରୁ ଅକ୍ଷୟ ପିଏମ୍ କେୟାର୍ସ ଫଣ୍ଡକୁ ୨୫ କୋଟି ଟଙ୍କା ଦାନ କରିଥିଲେ।
Comments are closed.