କଟକ: ମହାତ୍ମାଗାନ୍ଧୀଙ୍କର ୧୫୦ତମ ଜୟନ୍ତୀ ପାଳନ ଅବସରରେ ରେଳ ମନ୍ତ୍ରାଳୟ ପକ୍ଷରୁ ପ୍ରକାଶିତ ‘ଉପଲବ୍ଧି ପୁସ୍ତିକା’ର ପ୍ରଚ୍ଛଦ ପଟ୍ଟରେ ଓଡିଆ କଳାକାରଙ୍କ ଦ୍ୱାର ଅଙ୍କା ଯାଇଥିବା ଚିତ୍ର ସ୍ଥାନ ପାଇଛି । ପୂର୍ବତଟ ରେଳବାଇରେ ଚତୁର୍ଥ ଶ୍ରେଣୀ କର୍ମଚାରୀ ଭାବେ କାମ କରୁଥିବା ଶ୍ୟାମସୁନ୍ଦର ଏହି ଚିତ୍ର ଆଙ୍କିଛନ୍ତି । ମହାତ୍ମାଗାନ୍ଧି ରେଳରୁ ଓହ୍ଲାଇବା ସମୟରେ ଅନ୍ୟମାନେ ତାଙ୍କୁ ସ୍ୱାଗତ କରିବାର ଦୃଶ୍ୟକୁ ଶ୍ୟାମସୁନ୍ଦର ନିଜ ତୂଳୀ ମାଧ୍ୟମରେ ଚିତ୍ରରେ ପ୍ରକାଶ କରିଛନ୍ତି । ଏହି ଚିତ୍ର ପାଇଁ ରେଳ ମନ୍ତ୍ରୀ ତାଙ୍କୁ ଦିଲ୍ଲୀରେ ସମ୍ମାନିତ କରିଛନ୍ତି । ଜୁନ୍ ୧୨ ତାରିଖରେ ଏଥିପାଇଁ ଶ୍ୟାମ ସୁନ୍ଦରଙ୍କୁ ସମ୍ମାନିତ କରାଯାଇଛି ।
କିଛି ଦିନ ତଳେ ରେଳବିଭାଗ ଦ୍ୱାରା ଆୟୋଜିତ ଚିତ୍ରକଳା ପ୍ରତିଯୋଗିତାରେ ଶ୍ୟାମସୁନ୍ଦରଙ୍କର ଚିତ୍ରଟି ପୁରସ୍କୃତ ହୋଇଥିଲା । ଶ୍ୟାମ ସୁନ୍ଦର ଗତ ଦଶ ବର୍ଷ ଧରି ରେଳ ବିଭାଗରେ ଚତୁର୍ଥ ଶ୍ରେଣୀ କର୍ମଚାରୀ ଭାବେ କାମ କରୁଛନ୍ତି । ଏହା ପୂର୍ବରୁ ତାଙ୍କର ୨ଟି ଚିତ୍ରକୁ ପ୍ରତ୍ୟାଖାନ କରାଯାଇଥିଲା । ଏହି ଚିତ୍ରରେ ଗାନ୍ଧିଜୀ ଅନ୍ୟମାନଙ୍କ ସହ ଏକ କୋଠରୀକୁ ଦେଖିବାର ଦୃଶ୍ୟଥିଲା । ଅନ୍ୟ ଚିତ୍ରରେ ଗାନ୍ଧୀଙ୍କର ମୁହଁ ଅସ୍ପଷ୍ଟ ରହିଥିଲା । ଶ୍ୟାମସୁନ୍ଦର କଳା ଓ ହସ୍ତକଳାରେ ସ୍ନାତକ ଶିକ୍ଷା ଲାଭ କରିଛନ୍ତି । ରେଳ ମନ୍ତ୍ରୀ ଶ୍ୟାମସୁନ୍ଦରଙ୍କୁ ସମ୍ମାନିତ କରିବା ଅବସରରେ ତାଙ୍କ ସହ ହାତ ମିଳାଇବା ସହ ଚିତ୍ରର ପ୍ରଶଂସା କରିଥିବା କଥା ସେ ପ୍ରକାଶ କରିଛନ୍ତି ।
दशकों से उपेक्षित रहे रेल एवं कोयला क्षेत्र ने प्रधानमंत्री @NarendraModi के नेतृत्व में पिछले 4 वर्षों में उल्लेखनीय प्रगति की है, इन वर्षों में किये गये कार्यों व उपलब्धियों को एक पुस्तक के रूप में संकलित किया गया है जिसे https://t.co/jXuaIPk1jJ से डाउनलोड कर देखा जा सकता है। pic.twitter.com/7vi38nnkVJ
— Piyush Goyal (@PiyushGoyal) June 11, 2018
