ମାଲକାନଗିରି/କାଲିମେଳା: ଛତିଶଗଡ଼ ସୀମାନ୍ତ ପଡ଼ିଆ ଥାନା ଅର୍ନ୍ତଗତ ସିଲାକୁଟା ଗ୍ରାମ ମୁଖିଆ ମଙ୍ଗୁଡୁ ବାଞ୍ଜମିଙ୍କୁ ନକ୍ସଲ୍ମାମାନେ ହତ୍ୟା କରିବାକୁ ଉଦ୍ୟମ କରିଛନ୍ତି। ନକ୍ସଲ୍ମାମାନେ ତାଙ୍କୁ ଉପରକୁ ଗୁଳି ଚଳାଇଥିଲେ ହେଁ ସେ ଅଳ୍ପକେ ମୃତ୍ୟୁମୁଖରୁ ରକ୍ଷା ପାଇଛନ୍ତି। ବାଞ୍ଜମିଙ୍କ ଜଂଘରେ ଗୁଳି ବାଜିଥିବା ବେଳେ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ମଙ୍ଗୁଡୁ ନିଜ ଘରେ ଶୋଇଥିବା ଅବସ୍ଥାରେ ନକ୍ସଲମାନେ ତାଙ୍କ ଉପରକୁ ଗୁଳି ଚଳାଇଥିଲେ। ଗୁଳିକାଣ୍ଡର ସଠିକ କାରଣ ଜଣାପଡିନାହିଁ। ପୁଲିସ ଇନଫର୍ମର ସନ୍ଦେହରେ ତାଙ୍କୁ ହତ୍ୟା ଉଦ୍ୟମ କରାଯାଇଥିବା ଅନୁମାନ କରାଯାଉଛି। ପଡିଆ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି।
