ନୂଆଦିଲ୍ଲୀ: ଜେଇଇ ଆଡ୍ଭାନ୍ସ ପରୀକ୍ଷା ଫଳ ପ୍ରକାଶ ପାଇଛି। ମୋଟ ୩୬୦ ରୁ ୩୩୭ ନମ୍ବର ରଖି ପଞ୍ଚକୁଳର ପ୍ରଣବ ଗୋୟଲ ଟପ୍ପର ହୋଇଛନ୍ତି। କୋଟାର ସାହିଲ୍ ଜୈନ ଦ୍ୱିତୀୟ ଓ ଦିଲ୍ଲୀର କୈଳାସ ଗୁପ୍ତା ତୃତୀୟ ସ୍ଥାନ ଅଧିକାର କରିଛନ୍ତି। ଛାତ୍ରୀଙ୍କ ମଧ୍ୟରେ ୩୧୮ ନମ୍ବର ରଖି କୋଟାର ମୀନାଲ୍ ପାରେଖ୍ ଟପ୍ପର ହୋଇଛନ୍ତି।
ଗତ ମେ’ ୨୦ ତାରିଖରେ ଦେଶରୁ ମୋଟ ୧ ଲକ୍ଷ ୫୫ ହଜାର ପରୀକ୍ଷାର୍ଥୀ ଜେଇଇ ଆଡ୍ଭାନ୍ସ ପରୀକ୍ଷା ଅନ୍ଲାଇନ୍ରେ ଦେଇଥିଲେ। ସେମାନଙ୍କ ମଧ୍ୟରୁ ୧୮, ୧୩୮ ଜଣ କୃତକାର୍ଯ୍ୟ ହୋଇଛନ୍ତି। କୃତକାର୍ଯ୍ୟ ହୋଇଥିବା ପରୀକ୍ଷାର୍ଥୀଙ୍କ ମଧ୍ୟରେ ୧୬,୦୬୨ ଜଣ ଛାତ୍ର ଓ ୨,୦୭୬ ଛାତ୍ରୀ କୃତକାର୍ଯ୍ୟ ହୋଇଛନ୍ତି। ସାଧାରଣ ବର୍ଗର ୮, ୭୯୪ ଜଣ ପରୀକ୍ଷାର୍ଥୀ, ଓବିସିର ୩,୧୪୦, ଅନୁସୂଚିତ ଜାତିର ୪,୭୦୯, ଅନୁସୂଚିତ ଜନଜାତିର ୧,୪୯୫ ଜଣ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି। ଜୁନ୍ ୧୫ରୁ ନାମଲେଖା ଆରମ୍ଭ ହେବ।
