ଭୁବନେଶ୍ୱର: ଜୁଲାଇ ଦ୍ୱିତୀୟ ସପ୍ତାହରେ ଯୁକ୍ତ ୨ ଇନ୍ଷ୍ଟାଣ୍ଟ ପରୀକ୍ଷା ଅନୁଷ୍ଠିତ ହେବ। ଏଥିପାଇଁ ଜୁନ୍ ୨୦ତାରିଖରୁ ୨୫ ତାରିଖ ପର୍ଯ୍ୟନ୍ତ ଫର୍ମ ପୂରଣ କରାଯିବ। ଯୁକ୍ତ ଦୁଇ କଳା ଓ ବାଣିଜ୍ୟ ପରୀକ୍ଷା ଫଳ ପ୍ରକାଶ ଅବସରରେ ଉଚ୍ଚମାଧ୍ୟମିକ ଶିକ୍ଷା ପରିଷଦ ପକ୍ଷରୁ ଏହି ସୂଚନା ଦିଆଯାଇଛି। ସବିଶେଷ ବିବରଣୀ ପରିଷଦର ୱେବ୍ସାଇଟ୍ରେ ଉପଲବ୍ଧ ହେବ। ସେହିପରି ପରୀକ୍ଷା ଖାତା ପୁନଃଯାଞ୍ଚ କିମ୍ବା ପୁନଃଗଣନା ପାଇଁ ଇଚ୍ଛୁକ ଛାତ୍ରଛାତ୍ରୀ ଜୁନ୍ ୨୫ ତାରିଖ ସୁଦ୍ଧା ଆବେଦନ କରିପାରିବେ। ଏହାପରେ ଆଉ ଆବେଦନ ଗ୍ରହଣ କରାଯିବ ନାହିଁ। ମାର୍କସିଟ୍, ସାର୍ଟିଫିକେଟ୍ ଓ ମାଇଗ୍ରେସନ୍ ସାର୍ଟିଫିକେଟ୍ ସମସ୍ତ ମହାବିଦ୍ୟାଳୟରେ ଆସନ୍ତା ୧୯ ତାରିଖରୁ ଉପଲବ୍ଧ ହେବ।
