ଅନୁଗୋଳ : ଅନୁଗୋଳ ମହାପାତ୍ର ସାହି ଦୁର୍ଗା ମନ୍ଦିର କୋଠଘରୁ ଲୋକଙ୍କ କବଳରୁ ଜଣେ ଉତ୍ତରପ୍ରଦେଶର ଯୁବକକୁ ପୁଲିସ୍ଉ ଦ୍ଧାର କରିଛି । ଜଣେ ଯୁବତୀଙ୍କୁ ଉତ୍ତରପ୍ରଦେଶ ନେବା ପାଇଁ ଧରି ଫେରାର ହେଉଥିବା ସମୟରେ ଗ୍ରାମବାସୀ ବୁଢ଼ୀଠାକୁରାଣୀ ନିକଟରୁ ଯୁବତୀ ଓ ଯୁବକଙ୍କୁ ଧରିବାରେ ସଫଳ ହୋଇଥିଲେ । ଯୁବକକୁ ସ୍ଥାନୀୟ ଲୋକେ ନିସ୍ତୁକ ମାଡ଼ ମାରି ଦୁର୍ଗାଦେବୀ କୋଠଘରେ ବନ୍ଦ କରିଥିଲେ । ଘଟଣାସ୍ଥଳରେ ଅନୁଗୋଳ ପୁଲିସ୍ ପହଞ୍ଚି ଯୁବକକୁ ଉଦ୍ଧାର କରିବା ସମୟରେ ସ୍ଥାନୀୟ ଲୋକଙ୍କ ସହିତ ଧସ୍ତାଧସ୍ତି ହୋଇଥିଲା । ସ୍ଥାନୀୟ ଲୋକେ ପୁଲିସ୍ ଗାଡିକୁ ପଥର ମାଡ଼ କରିଥିଲେ । ସୂଚନା ଅନୁସାରେ ଅଞ୍ଚଳରୁ ୪ ଜଣ ଯୁବକ ଆସିଥିବା ବେଳେ ୪ ଜଣ ଘଟଣାସ୍ଥଳରୁ ଫେରାର ହୋଇଯାଇଛନ୍ତି ।
