ନୂଆଦିଲ୍ଲୀ : କେନ୍ଦ୍ର ସରକାର ପ୍ରଧାନମନ୍ତ୍ରୀ ଆବାସ ଯୋଜନା (ସହର)ରେ ୧.୫ ଲକ୍ଷ ଗୃହ ନିର୍ମାଣ ପାଇଁ ଅନୁମୋଦନ ପ୍ରଦାନ କରିଛନ୍ତି। କେନ୍ଦ୍ର ଗୃହ ଏବଂ ନଗର ଉନ୍ନୟନ ମନ୍ତ୍ରାଳୟ ଗୁରୁବାର ଏହି ସୂଚନା ପ୍ରଦାନ କରିଛନ୍ତି। ଏନେଇ ମନ୍ତ୍ରାଳୟ ପକ୍ଷରୁ ପ୍ରକାଶିତ ଏକ ବିଜ୍ଞପ୍ତି ଅନୁସାରେ ୭,୨୨୭ କୋଟି ଟଙ୍କା ବିନିମୟରେ ପ୍ରଧାନମନ୍ତ୍ରୀ ଆବାସ ଯୋଜନା (ସହର)ରେ ଗରିବ ଲୋକଙ୍କ ନିମନ୍ତେ ୧.୫ ଲକ୍ଷ ଘର ନିର୍ମାଣ ପାଇଁ କେନ୍ଦ୍ର ସରକାର ଅନୁମୋଦନ ପ୍ରଦାନ କରିଛନ୍ତି। କେନ୍ଦ୍ରୀୟ ଅନୁମୋଦନ ଏବଂ ପର୍ଯ୍ୟବେକ୍ଷଣ କମିଟିର ୩୪ତମ ବୈଠକରେ ଏହି ପ୍ରସ୍ତାବକୁ ଅନୁମୋଦନ ପ୍ରଦାନ କରାଯାଇଛି। ଏଥିରେ ଆନ୍ଧ୍ରପ୍ରଦେଶରେ ୫୬,୫୧୨ ଘର, ଉତ୍ତରପ୍ରଦେଶରେ ୨୩,୬୦୦ ଘର, ମଧ୍ୟପ୍ରଦେଶରେ ୧୭,୯୨୦ ଘର, ଝାରଖଣ୍ଡରେ ୧୪,୫୨୬ ଏବଂ ମହାରାଷ୍ଟ୍ରର ୧୩,୫୦୬ ଘର ନିର୍ମାଣ କରାଯିବ। ଅନ୍ୟ ରାଜ୍ୟଗୁଡ଼ିକ ମଧ୍ୟରେ ଛତିଶଗଡ଼, ରାଜସ୍ଥାନ, ପଞ୍ଜାବ ଏବଂ ଓଡ଼ିଶାରେ ଗୃହ ନିର୍ମାଣ ପାଇଁ ଅନୁମୋଦନ ପ୍ରଦାନ କରାଯାଇଛି।
Popular Categories
Previous article
Next article