ରାଉରକେଲା: ରାଉରକେଲା ବନ୍ଧମୁଣ୍ଡା ଫରେଷ୍ଟରଙ୍କ ଘରେ ଭିଜିଲାନ୍ସ ଚଢ଼ଉ କରାଯାଇଛି । ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଫରେଷ୍ଟର ବିପିନ ରକ୍ଷାଙ୍କ ବାସଭବନରେ ଆଜି ଚଢ଼ଉ କରାଯାଇଛି । ଭିଜିଲାନ୍ସର ୪ଜଣିିଆ ଟିମ୍ ଏକକାଳୀନ ଶ୍ରୀ ରକ୍ଷାଙ୍କର ବାସନ୍ତୀ କଲୋନୀ,ସୁନ୍ଦରଗଡ଼ରେ ଥିବା ବାସଭବନ ଓ ଶ୍ୱଶୁର ଘର ସମେତ ଅନ୍ୟ ୪ଟି ସ୍ଥାନରେ ଚଢ଼ଉ କରିଛନ୍ତି । ରାଉରକେଲା ଭିଜିଲାନ୍ସ ଏସପିଙ୍କ ନେତୃତ୍ୱରେ ଏହି ଚଢ଼ଉ କରାଯାଇଛି । ଶ୍ରୀ ରକ୍ଷା ବର୍ତ୍ତମାନ ବନ୍ଧମୁଣ୍ଡା ଫରେଷ୍ଟ ଡ଼ିଭିଜନରେ କାର୍ଯ୍ୟରତ ଥିଲେ । ଚଢ଼ଉ ଜାରି ରହିଥିବାରୁ ଜବତ ସମ୍ପତିର ମୂଲ୍ୟ ଆକଳନ କରାଯାଇ ନାହିଁ ।
