କଟକ: ଅଭିନୟରେ ଶହେକୁ ଶହେ ହାସଲ କରିଥିବା ଏହି ଅଭିନେତ୍ରୀ ଜଣଙ୍କ ସିବିଏସଇ ଦଶମ ଶ୍ରେଣୀ ପରୀକ୍ଷାରେ ୯୭% ପ୍ରତିଶତ ମାର୍କ ରଖିଛନ୍ତି । ଓଲିଉଡରେ ଏହି ଅଭିନେତ୍ରୀ ଜଣଙ୍କ ହେଲେ ଭୂମିକା ଦାସ । ଚଳିତ ବର୍ଷ ସେ ସିବିଏସଇ ଦଶମ ଶ୍ରେଣୀ ପରୀକ୍ଷା ଦେଇଥିଲେ । ଏଥିରେ ସେ ୯୭ ପ୍ରତିଶତ ମାର୍କ ରଖିଛନ୍ତି ବୋଲି ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଛନ୍ତି ।
ପରୀକ୍ଷାରେ ସଫଳତା ନେଇ ସେ ଭଗବାନ ଓ ମା-ବାପାଙ୍କୁ ଶ୍ରେୟ ଦେଇଛନ୍ତି । କଠିନ ପରିଶ୍ରମ, ଶିକ୍ଷକ ଏବଂ ଫ୍ୟାନ୍ ମାନଙ୍କ ଭଲପାଇବା ଓ ଆର୍ଶିବାଦର ଫଳ ବୋଲି ଏହି ଭିଡିଓ ସେ ଭୂମିକା କହିଛନ୍ତି । ‘ତୁ ମୋ ଲଭ୍ ଷ୍ଟୋରୀ’ ଏବଂ ବାବୁସାନଙ୍କ ସହ ‘ହିରୋ ନଂ ୧’ ଫିଲ୍ମ ଜରିଆରେ ଦର୍ଶକଙ୍କ ମନ ଜିତିଥିଲେ । ପୂର୍ବରୁ ଶିଶୁକଳାକାର ଭାବେ ‘ଗପ ହେଲେ ବି ସତ’ ଫିଲ୍ମରେ ସେ ବର୍ଷା ପ୍ରିୟଦର୍ଶିନୀଙ୍କ ପିଲା ବେଳର ଭୂମିକାରେ ଅଭିନୟ କରିଥିଲେ ।