ନୂଆଦିଲ୍ଲୀ : ଏୟାର ଏସିଆ ଗ୍ରୁପ୍ ସିଇଓ ଟୋନି ପର୍ଣ୍ଣାଡିସ୍, ନିର୍ଦେଶକଙ୍କ ସମେତ ୫ ଜଣଙ୍କ ନାମରେ କେନ୍ଦ୍ରୀୟ ତଦନ୍ତକାରୀ ଦଳ (ବ୍ୟୁରୋ) ସିବିଆଇ ମଙ୍ଗଳବାର ମାମଲା ରୁଜୁ କରିଛି। ଅନ୍ତର୍ଜାତୀୟ ବିମାନ ଉଡ଼ାଣ ଲାଇସେନ୍ସ ପାଇବା ପାଇଁ ଏୟାର ଏସିଆ ବେସାମରିକ ବିମାନ ଚଳାଚଳ ନିୟମ ଉଲ୍ଲଙ୍ଘନ କରିଥିବା ଅଭିଯୋଗ ହୋଇଛି। ଟୋନି ପର୍ଣ୍ଣାଡିସ ବିମାନ ଚଳାଚଳ ୫/୨୦ ନିୟମକୁ କୋହଳ କରିବା ପାଇଁ ସରକାରୀ ଅଧିକାରୀଙ୍କୁ ବେଆଇନ କାମ କରିବାକୁ ପ୍ରବର୍ତ୍ତାଇଥିଲେ। ଉଲ୍ଲେଖ ଯେ ୫/୨୦ ନିୟମ ଅନୁସାରେ ଅନ୍ତର୍ଜାତୀୟ ବିମାନ ଉଡ଼ାଣ ଲାଇସେନ୍ସ ପାଇଁ ବିମାନ ଚଳାଚଳ କ୍ଷେତ୍ରରେ ଅନ୍ୟୁନ୍ ୫ ବର୍ଷର ଅଭିଜ୍ଞତା ଏବଂ ୨୦ଟି ବିମାନ ଥିବା ଆବଶ୍ୟକ। ଲାଇସେନ୍ସ ପାଇବା ନିମନ୍ତେ ବିଦେଶୀ ନିବେଶ ଏବଂ ପ୍ରସାର ବୋର୍ଡ (ଏଫଆଇପିବି) ନିୟମକୁ ଉଲ୍ଲଙ୍ଘନ କରିଥିବା ଅଭିଯୋଗରେ ଏୟାର ଏସିଆ ନିର୍ଦେଶକଙ୍କ ନାମରେ ମାମଲା ରୁଜୁ କରାଯାଇଛି। ସିବିଆଇ ମଙ୍ଗଳବାର ଏୟାର ଏସିଆ ଏବଂ ମାଲେସିଆନ ବିମାନ କମ୍ପାନୀର ଦିଲ୍ଲୀ, ମୁମ୍ବଇ ଏବଂ ବେଙ୍ଗାଲୁରୁ କାର୍ଯ୍ୟାଳୟ ସମେତ ୬ଟି ସ୍ଥାନରେ ଚଢଉ କରି ଖାନତଲାସୀ କରିଛି। ଏୟାର ଏସିଆ ଗ୍ରୁପ୍ ସିଇଓ ଟୋନିଙ୍କ ସହ ଟ୍ରାଭେଲ ପୁଡ଼ ମାଲିକ ସୁନିଲ କପୁର, ଏୟାର ଏସିଆ ନିର୍ଦେଶକ ଆର ଭେଙ୍କଟରମଣ, ବିମାନ ଚଳାଚଳ ପରାମର୍ଶଦାତା ଦୀପକ ତଲୱାର, ଏୟାର ଏସିଆ ସିଙ୍ଗାପୁର ଟ୍ରେଡିଂ ନିର୍ଦେଶକ ରାଜେନ୍ଦ୍ର ଦୁବେଙ୍କ ବିରୋଧରେ ସିବିଆଇ ପକ୍ଷରୁ ମାମଲା ରୁଜୁ କରାଯାଇଛି। ବେସାମରିକ ବିମାନ ଚାଳଚଳ ବିଭାଗର କେତେକ ସରକାରୀ କର୍ମଚାରୀ ସିବିଆଇ ନଜରରେ ଥିବା ସୂଚନା ମିଳିଛି।
Popular Categories
Previous article
Next article