ପିପିଲି : ପିପିଲି ସବ ରେଜିଷ୍ଟ୍ରାର ଛକ ଠାରେ ଶୁକ୍ରବାର ଏକ ବାଇକ ଡ଼ିକି ଭାଙ୍ଗି ୨.୫ ଲକ୍ଷ ଟଙ୍କା ଲୁଟ ହୋଇଥିବା ଅଭିଯୋଗ ହୋଇଛି। ସୂଚନା ଯୋଗ୍ୟ, ତେଇଶିପୁର ପଞ୍ଚାୟତ ପୋଟଳ ଗ୍ରାମର ପ୍ରଦୀପ କୁମାର ବଢେଇ ନିଜ ବାଇକ ଡ଼ିକିରେ ଏକ ବ୍ୟାଗ୍ ଭିତରେ ପ୍ରାୟ ଅଢେଇ ଲକ୍ଷ ଟଙ୍କା, ପାସ୍ ବୁକ୍ ଓ ଚେକ୍ ବହି ରଖି ରେଜିଷ୍ଟ୍ରାର ଛକ ଠାରେ ବାଇକକୁ ରାସ୍ତା କଡ଼ରେ ରଖି ଜେରକ୍ସ କରିବାକୁ ଦୋକାନକୁ ଯାଇଥିଲେ। ମାତ୍ର ସେହି ସମୟରେ କେହି ଜଣେ ଦୁର୍ବୃତ୍ତ ତାଙ୍କ ବାଇକ ଡ଼ିକିକୁ ଭାଙ୍ଗି ତା’ ଭିତରେ ଟଙ୍କା ଭର୍ତ୍ତି ବ୍ୟାଗକୁ ନେଇଯାଇଛି। ଏନେଇ ପ୍ରଦୀପ ପିପିଲି ଥାନାରେ ଅଭିଯୋଗ କରିଛନ୍ତି। ପ୍ରଦୀପ ଜମି କିଣିବା ପାଇଁ ଆସିଥିବା ବେଳେ ଆଜି ଦିନ ୧୨ଟା୨୦ରେ ଏହି ଲୁଟ ହୋଇଥିବା ଜଣାପଡ଼ିଛି। ପୁଲିସ ଘଟଣାର ତଦନ୍ତ ଆରମ୍ଭ କରିଥିବା ସହ ନିକଟରେ ଥିବା ଏକ ସୋ ରୁମରେ ଲାଗିଥିବା ସିସିଟିଭି ଫୁଟେଜରେ ଲୁଟର ଦୃଶ୍ୟ କଏଦ ହୋଇଥିବା ମଧ୍ୟ ସୂଚନା ମିଳିଛି।
Popular Categories
Previous article
Next article