ମୁମ୍ବଇ: ବଲିଉଡ଼ ଅଭିନେତା ଅକ୍ଷୟ କୁମାର ୨୦୦୦ ମସିହାରେ ‘ହେରା ଫେରୀ’ ଚଳଚ୍ଚିତ୍ର ମାଧ୍ୟମରେ ନିଜର ଆକ୍ସନ ଅବତାରରୁ ଟିକିଏ ହଟି କମେଡ଼ି ଜଗତରେ ପାଦ ଦେଇଥିଲେ। ତାଙ୍କର କମେଡ଼ି ଅବତାରକୁ ଦର୍ଶକ ଗ୍ରହଣ କରିବା ପରେ ସେ ଗୋଟିଏ ପରେ ଗୋଟିଏ କମେଡ଼ି ଚଳଚ୍ଚିତ୍ର କରିବା ଆରମ୍ଭ କରିଥିଲେ। ତେବେ ପୁଣିଥରେ ସେ ଏକ କମେଡ଼ି ଚଳଚ୍ଚିତ୍ରରେ ନଜର ଆସିବେ ବୋଲି ଖବର ମିଳିଛି।
ସୂଚନା ଅନୁସାରେ, ‘ହେରା ଫେରୀ’ର ନିର୍ଦ୍ଦେଶକ ପ୍ରିୟଦର୍ଶନ ଦୀର୍ଘ ଦିନ ପରେ ପୁଣି ଅକ୍ଷୟଙ୍କ ସହ କାମ କରିବାକୁ ଯାଉଛନ୍ତି। ପୂର୍ବରୁ ଦୁହେଁ ‘ହେରା ଫେରୀ’ ସହିତ ‘ଦେ ଦନା ଦନ୍’, ‘ଗରମ ମସାଲା’ ଓ ‘ଭୁଲ୍ ଭୁଲୈୟା’ ଭଳି ଅନେକ କମେଡ଼ି ଚଳଚ୍ଚିତ୍ରରେ ଏକାଠି କାମ କରିଛନ୍ତି। ଗୋଆରେ ଅନୁଷ୍ଠିତ ଏକ ଚଳଚ୍ଚିତ୍ର ମହୋତ୍ସବରେ ପ୍ରିୟଦର୍ଶନ କହିଛନ୍ତି ଯେ, ସେ ଅକ୍ଷୟଙ୍କ ସହ ଆଗାମୀ ପ୍ରୋଜେକ୍ଟର କାମ ଆସନ୍ତା ବର୍ଷ ଆରମ୍ଭ କରିବେ। ଏହା ଏକ କମେଡ଼ି ଚଳଚ୍ଚିତ୍ର ଓ ସେ ଏବେ ଏହାର କାହାଣୀ ଲେଖୁଛନ୍ତି। ଅକ୍ଷୟଙ୍କ ସହ କାମ କରିବାକୁ ସେ ବହୁତ ଭଲ ପାଆନ୍ତି ବୋଲି ପ୍ରିୟଦର୍ଶନ କହିଛନ୍ତି।
ପ୍ରିୟଦର୍ଶନଙ୍କ ସହ ମିଶି ପୁଣିଥରେ ଦର୍ଶକଙ୍କୁ ହସାଇ ବେଦମ କରିବେ ଅକ୍ଷୟ
Popular Categories
Previous article
Next article