ଇନ୍ଦୋର ଟେଷ୍ଟରେ ଭାରତର ଦମଦାର ବିଜୟ : ୧-୦ରେ ସିରିଜ୍ ଆଗୁଆ

ଇନ୍ଦୋର : ବାଂଲାଦେଶ ବିପକ୍ଷରେ ଭାରତ ଦମଦାର ବିଜୟ ଲାଭ କରିଛି । ବାଂଲାଦେଶକୁ ଏକ ଇନିଂସ ଓ ୧୩୦ରେ ପରାସ୍ତ କରି ଭାରତ ଟେଷ୍ଟ ସିରିଜରେ ୧-୦ରେ ଅଗ୍ରଣୀ ଲାଭ କରିଛି । ଫଳରେ ମାତ୍ର ୩ ଦିନରେ ଏହି ଟେଷ୍ଟ ମ୍ୟାଚ ଶେଷ ହୋଇଛି । ଉଭୟ ବ୍ୟାଟିଂ ଓ ବୋଲିଂରେ ଚମତ୍କାର ପ୍ରଦର୍ଶନ କରି ଭାରତ ଏହି ସହଜ ବିଜୟ ହାସଲ କରିଛି ।

ଇନ୍ଦୋରର ହୋଲକର ଷ୍ଟାଡିୟମରେ ଅନୁଷ୍ଠିତ ଭାରତ-ବାଂଲାଦେଶ ପ୍ରଥମ ଟେଷ୍ଟର ୩ୟ ଦିନରେ ଭାରତ ୪୯୩/୬ରେ ପ୍ରଥମ ଇନିଂସ ଘୋଷଣା କରିଥିଲା ୨ୟ ଦିନ ଖେଳ ଶେଷ ସୁଦ୍ଧା ଭାରତ ୬ ୱିକେଟ ହରାଇ ୪୯୩ ରନ୍‌ ସଂଗ୍ରହ କରିଥିଲା। ଶନିବାର ୩ୟ ଦିନ ଖେଳ ଆରମ୍ଭ ହେବା ପୂର୍ବରୁ ଭାରତ ପାଳି ଘୋଷଣା କରିଥିଲା । ଫଳରେ ଭାରତ ବାଂଲାଦେଶର ପ୍ରଥମ ଇନିଂସ(୧୫୦ରନ)ଠାରୁ ଭାରତ ୩୪୩ ରନରେ ଆଗୁଆ ରହିଥିଲା। ବାଂଲାଦେଶ ତାହାର ୨ୟ ଇନିଂସ ଖେଳ ଆରମ୍ଭ କରି  ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିଲା।

ପରେ ବାଂଲାଦେଶ ୨୧୩ ରନ୍ କରି ଅଲ୍ ଆଉଟ ହୋଇ ଯାଇଥିଲା। ଦଳ ପକ୍ଷରୁ ମୁଶଫିକର ସର୍ବାଧିକ ୬୪ ରନ ସଂଗ୍ରହ କରିଥିଲେ। ଭାରତ ପକ୍ଷରୁ ମହମ୍ମଦ ସାମୀ ସର୍ବାଧିକ ୭ ୱିକେଟ ହାସଲ କରିଛନ୍ତି। ପ୍ରଥମ ଇନିଂସରେ ୨୪୩ ରନ କରିଥିବା ମୟଙ୍କ ଅଗ୍ରୱାଲ ପ୍ଲେୟାର ଅଫ ଦ ମ୍ୟାଚ ବିବେଚିତ ହୋଇଛନ୍ତି ।

ଚୁଡାନ୍ତ ସ୍କୋର : ବାଂଲାଦେଶ ପ୍ରଥମ ଇନିଂସ ୧୫୦ ରନ୍, ୨ୟ ଇନିଂସ ୨୧୩ ରନ୍

ଭାରତ ପ୍ରଥମ ଇନିଂସ – ୪୯୩/୬ରେ ପାଳି ଘୋଷଣା