ମୁମ୍ବଇ: ଚଳିତ ଆଇପିଏଲ୍ ପ୍ରାରମ୍ଭରୁ ନୂଆ ବଲ୍ରେ ବୋଲିଂ କରିବା ନେଇ ସମାଲୋଚିତ ହୋଇଥିଲେ ମୁମ୍ବଇ ଇଣ୍ଡିଆନ୍ସର ଅଧିନାୟକ ହାର୍ଦିକ ପାଣ୍ଡ୍ୟା। ହେଲେ ପ୍ରଥମ ୨ଟି ମ୍ୟାଚ୍ରେ ୭ ଓଭରରୁ ୭୬ ରନ୍ ଦେଇ ହାର୍ଦିକ ଗୋଟିଏ ମାତ୍ର ୱିକେଟ ପାଇଥିଲେ। ହେଲେ ପରବର୍ତ୍ତୀ ୨ଟି ମ୍ୟାଚ୍ରେ ହାର୍ଦିକ ଆଦୌ ବୋଲିଂ କରିନଥିଲେ। ଆର୍ସିବି ବିପକ୍ଷ ଶେଷ ମ୍ୟାଚ୍ରେ ହାର୍ଦିକ ମାତ୍ର ଗୋଟିଏ ଓଭର ବୋଲିଂ କରିଥିଲେ। ହାର୍ଦିକ ଗତ ୩ଟି ମ୍ୟାଚ୍ରେ ମାତ୍ର ୧ ଓଭର ବୋଲିଂ କରିବା ପରେ ସେ ଆହତ ଅଛନ୍ତି ବୋଲି ଚର୍ଚ୍ଚା ଆରମ୍ଭ ହୋଇଯାଇଛି। ନ୍ୟୁଜିଲାଣ୍ଡର ପୂର୍ବତନ ଫାଷ୍ଟବୋଲର ସାଇମନ୍ ଡୁଲ୍ କହିଛନ୍ତି, ପ୍ରଥମ ୨ଟି ମ୍ୟାଚ୍ରେ ନୂଆ ବଲ୍ରେ ବୋଲିଂ କରି ଦଳକୁ ବାର୍ତ୍ତା ଦେବାକୁ ଚାହିଁଥିଲେ। ହେଲେ ପରେ ହଠାତ୍ ହାର୍ଦିକ ଆଦୌ ବୋଲିଂ ନ କରିବା ଆଦୌ ଗ୍ରହଣୀୟ ନୁହେଁ। ତେଣୁ ସେ ନିଶ୍ଚୟ ଆହତ ଅଛନ୍ତି। ହାର୍ଦିକ ଏହାକୁ ସ୍ବୀକାର କରୁନାହାନ୍ତି ସତ; ହେଲେ ତାଙ୍କଠାରେ ନିଶ୍ଚିତ କିଛି ଅସୁବିଧା ରହିଛି। ତାଙ୍କର ସୀମିତ ବୋଲିଂକୁ ନେଇ ପ୍ରଶ୍ନହେବାରୁ ହାର୍ଦିକ କହିଥିଲେ ଯେ ସଠିକ୍ ସମୟରେ ସେ ବୋଲିଂ କରିବେ।
Comments are closed.