ଭୁବନେଶ୍ୱର: ଚଳିତ ବର୍ଷ କେନ୍ଦ୍ର ସରକାରଙ୍କ ଦ୍ୱାରା ଲାଗୁ କରାଯାଇଥିବା ସଂଶୋଧିତ ମୋଟର ଯାନ ଆଇନ ଆସନ୍ତା ଡିସେମ୍ବର ୧ ତାରିଖରୁ ପୁଣି କଡ଼ାକଡି଼ ଭାବେ ଲାଗୁ କରାଯିବ। ଶୁକ୍ରବାର ଏ ସମ୍ପର୍କରେ ସରକାରଙ୍କ ପକ୍ଷରୁ ବାଣିଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି। ମନ୍ତ୍ରୀଙ୍କ କହିବାନୁସାରେ, ପୂର୍ବରୁ ଯେଉଁ ପରିମାଣରେ ଫାଇନ୍ ଆଦାୟ ହେଉଥିଲା ସେଥିରେ ଆଉ କୋହଳ କରାଯିବା ନାହିଁ। ନୂଆ ମୋଟର ଯାନ ଆଇନ ଅନୁସାରେ ଟ୍ରାଫିକ୍ ଉଲ୍ଲଂଘନକାରୀଙ୍କଠାରୁ ଫାଇନ୍ ଆଦାୟ କରାଯିବ।
ସୂଚନାଯୋଗ୍ୟ, ସେପ୍ଟେମ୍ବର ପହିଲାରୁ ସଂଶୋଧିତ ମୋଟର ଯାନ ଆଇନ ଦେଶ ବ୍ୟାପୀ ଲାଗୁ ହୋଇଥିଲା। କିନ୍ତୁ ପୂର୍ବ ଆଇନ ତୁଳନାରେ ନୂଆ ଆଇନରେ ଜରିମାନା ପରିମାଣ ଅହେତୁକ ବୃଦ୍ଧି କରାଯାଇଥିବାରୁ ରାଜ୍ୟ ବ୍ୟାପୀ ପ୍ରତିକ୍ରିୟା ପ୍ରକାଶ ପାଇଥିଲା। ଟ୍ରାଫିକ୍ ଯାଞ୍ଚ ବେଳେ ବିଭିନ୍ନ ସ୍ଥାନରେ ପୁଲିସ ଓ ଜନତାଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହେବାରୁ ଆବଶ୍ୟକୀୟ କାଗଜପତ୍ର କରାଇ ନେବାକୁ ରାଜ୍ୟ ସରକାର ଲୋକଙ୍କୁ ୩ ମାସ ସମୟ ଦେବା ସହିତ ସେ ପର୍ଯ୍ୟନ୍ତ ଆଇନକୁ କୋହଳ କରିଥିଲେ।
ସରିଲା କୋହଳ ସମୟ : ଡିସେମ୍ବର ୧ରୁ ପୁଣି କଡ଼ାକଡ଼ି ହେବ ଟ୍ରାଫିକ୍ ନିୟମ
Popular Categories
Previous article
Next article