ନୂଆଦିଲ୍ଲୀ : ବଲିଉଡ଼ ଅଭିନେତା ଫରହାନ ଅଖ୍ତରଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ତୁଫାନ୍’ର ପ୍ରଥମ ପୋଷ୍ଟର ସୋମବାର ସାମ୍ନାକୁ ଆସିଛି। ଫରହାନ ସାମାଜିକ ଗଣମାଧ୍ୟମରେ ଏହି ପୋଷ୍ଟର ଶେୟାର କରିଛନ୍ତି। ପୋଷ୍ଟର ସହିତ ନିର୍ମାତା ମୁକ୍ତିଲାଭ ତାରିଖ ମଧ୍ୟ ଘୋଷଣା କରିଛନ୍ତି। ରାକେଶ ଓମପ୍ରକାଶ ମେହେରାଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ଆସନ୍ତା ବର୍ଷ ଅକ୍ଟୋବର ୨ ତାରିଖରେ ପରଦାକୁ ଆସିବ। ପୂର୍ବରୁ ‘ଭାଗ୍ ମିଲ୍ଖା ଭାଗ୍’ ଚଳଚ୍ଚିତ୍ରରେ ଫରହାନ ଓ ରାକେଶ ଏକାଠି କାମ କରିଛନ୍ତି।
ପୋଷ୍ଟରରେ ସେ ଜଣେ ବକ୍ସର ଭୂମିକାରେ ନଜର ଆସିଛନ୍ତି। ଦୀର୍ଘଦିନ ଧରି ଫରହାନ ଏହି ଚଳଚ୍ଚିତ୍ର ପାଇଁ ପ୍ରସ୍ତୁତି କରୁଥିଲେ ଏବଂ ପୋଷ୍ଟରରେ ତାଙ୍କ ପରିଶ୍ରମର ଫଳ ମଧ୍ୟ ଦେଖିବାକୁ ମିଳିଛି। ସୂଚନାଯୋଗ୍ୟ, ‘ତୁଫାନ୍’ ମହାରାଷ୍ଟ୍ର ବକ୍ସର ଧର୍ମେଶ ପାଟିଲଙ୍କ ଉପରେ ଆଧାରିତ।
Comments are closed.