ଭୁବନେଶ୍ବର: ମିଶନ୍ ଚନ୍ଦ୍ରାୟାନ-୨ର ମୁଖ୍ୟ ବିନ୍ଧାଣୀ ତଥା ଇସ୍ରୋ ଅଧ୍ୟକ୍ଷ କେ ସିବନ୍ ଭୁବନେଶ୍ବର ଆସିବେ। ଆସନ୍ତା ୨୧ ତାରିଖରେ ଆଇଆଇଟି, ଭୁବନେଶ୍ବରର ୮ମ ସମାବର୍ତ୍ତନ ଉତ୍ସବରେ ସେ ମୁଖ୍ୟ ଅତିଥି ଭାବେ ଯୋଗଦେବାର କାର୍ଯ୍ୟକ୍ରମ ରହିଛି। ଚନ୍ଦ୍ରାୟାନ-୨କୁ ନେଇ ସମଗ୍ର ବିଶ୍ବରେ ଭାରତ ସୁନାମ ଅର୍ଜନ କରିଥିବା ବେଳେ ଏହାର ଶ୍ରେୟ ଶିବନଙ୍କୁ ଦିଆଯାଇଛି। ଏକ ସାଧାରଣ କୃଷକ ପରିବାରରୁ ଇସ୍ରୋ ମୁଖ୍ୟ ପର୍ଯ୍ୟନ୍ତ ଶିବନ୍ଙ୍କ ଜୟଯାତ୍ରା ଏବେ ଚର୍ଚ୍ଚାର ବିଷୟ ପାଲଟିଛି। ତାଙ୍କର ଗସ୍ତକୁ ନେଇ ଆଇଆଇଟି ଛାତ୍ରଛାତ୍ରୀଙ୍କ ମଧ୍ୟରେ ପ୍ରବଳ ଉତ୍ସାହ ଦେଖାଦେଇଛି। ଏହି ଅବସରରେ ସେ ଆଇଆଇଟିର ଛାତ୍ରଛାତ୍ରୀଙ୍କୁ ସ୍ବର୍ଣ୍ଣପଦକ ସହ ଡିଗ୍ରୀ ପ୍ରଦାନ କରିବେ।
