ଖୁଣ୍ଟା: ମୟୁରଭଞ୍ଜ ଜିଲା ଖୁଣ୍ଟା ଥାନା ଅନ୍ତର୍ଗତ ବାହାନଡା ଗ୍ରାମରୁ ଜନୈକା ନାବାଳିକାକୁ ଉଦ୍ଧାର କରାଯାଇଛି। ନାବଳିକା ନିଜ ନାମ ସସ୍ମିତା ସିଂ(୧୦) ବୋଲି କହିବା ବ୍ୟତୀତ ନିଜର ଠିକଣା ବା ଅନ୍ୟ କିଛି କହିପାରୁନାହାନ୍ତିିଁ। ନାବାଳିକାଟି ପୁଅ ପିଲାଙ୍କ ପାଇଁ ଉଦ୍ଧିଷ୍ଟ ସ୍କୁଲ ପୋଷାକ ଧଳା ସାର୍ଟ ଓ ନୀଳ ପ୍ୟାଣ୍ଟ ପିନ୍ଧିଥିବା ବେଳେ ସକାଳେ ଗ୍ରାମବାସୀମାନେ ଦେଖିଥିଲେ। ଗ୍ରାମର ଜନୈକ ଶିକ୍ଷକ ପୁଲିସକୁ ସୂଚନା ଦେବା ପରେ ଆଇଆଇସି ନବକୃଷ୍ଣ ନାଏକ ତାକୁ ଉଦ୍ଧାର କରିଥିଲେ। ନାବଳିକାକୁ ନୂଆ ପୋଷାକ ଦିଆଯାଇ ସ୍ୱାସ୍ଥ୍ୟ ପରୀକ୍ଷା କରାଯିବା ପରେ ମହିଳା ପୁଲିସଙ୍କ ତତ୍ତ୍ୱାବଧାନରେ ବାରିପଦା ଚାଇଲ୍ଡ ଲାଇନକୁ ପଠାଯାଇଥିବା ଶ୍ରୀଯୁକ୍ତ ନାଏକ କହିଛନ୍ତି।
