ଭୁବନେଶ୍ୱର : ନୂଆ ମଟୋର ଯାନ ଆଇନ୍ କଡ଼ାକଡ଼ି ଲାଗୁ ହେବା ପରେ ରାଜଧାନୀର ଜଣେ ଅଟୋ ଚାଳକ ଫସିଛନ୍ତି । ଭୁବନେଶ୍ୱର ସ୍ଥିତ ଆଚାର୍ଯ୍ୟ ବିହାର ଛକରେ ବୁଧବାର ଚେକିଂ ବେଳେ ଜଣେ ଅଟୋ ଚାଳଙ୍କ ଉପରେ ୪୭ ହଜାର ୫୦୦ ଟଙ୍କା ଟ୍ରାଫିକ ପୁଲିସ ଜରିମାନା ଲାଗୁ କରିଛି ।
ସୂଚନାଯୋଗ୍ୟ, ବୁଧବାର ମଧ୍ୟାହ୍ନରେ ଅଟୋ ଚାଳକ ହରିବନ୍ଧୁ କହଁରଙ୍କୁ ପୁଲିସ ଆଚାର୍ଯ୍ୟ ବିହାର ଛକ ନକଟରେ ଧରିଥିଲା। ସେ ମଦ ପିଇ ବୈଧ ଡ୍ରାଇଭିଂ ଲାଇସେନ୍ସ ନଥାଇ ଗାଡି ଚଳାଉଥିଲେ । ଏହା ସହ ପ୍ରଦୂଷଣ ନିୟମ ଉଲ୍ଲଂଘନ, ବିନା ରେଜିଷ୍ଟ୍ରେସନ, ବିନା ପରମିଟ୍ ଏବଂ ଇନସ୍ୟୁରାନ୍ସ ଭଳି ଅପରାଧିକ କାର୍ଯ୍ୟକଳାପ ପାଇଁ ପୁଲସ ହରିବନ୍ଧୁ କହଁରଙ୍କ ଉପରେ ମୋଟ୍ ୪୭ ହଜାର ୫୦୦ ଟଙ୍କା ଜରିମାନା ଲାଗାଇଛି ।
ଗାଡି କାଗଜ ପତ୍ର ଠିକ୍ ନଥିବାରୁ ୫ ହଜାର ଟଙ୍କା, ବୈଧ ଡ୍ରାଇଭିଂ ଲାଇସେନ୍ସ ନଥାଇ ଗାଡ଼ି ଚଳାଉଥିବାରୁ ୫ ହଜାର ଟଙ୍କା, ମଦ ପିଇ ଅଟୋ ଚଳାଇବା ନେଇ ୧୦ ହଜାର ଟଙ୍କା, ପ୍ରଦୂଷଣ ନିୟମ ଉଲ୍ଲଂଘନ କରିବା ନେଇ ୧୦ ହଜାର ଟଙ୍କା, ରେଜିଷ୍ଟ୍ରେସନ ନଥାଇ ଗାଡ଼ି ଚଳାଇବା ପାଇଁ ୫ ହଜାର ଟଙ୍କା, ପରମିଟ ନଥାଇ ଅଟୋ ଚଳାଉଥିବାରୁ ୧୦ ହଜାର ଟଙ୍କା, ଇନସ୍ୟୁରାନ୍ସ ନଥିବାରୁ ୨ ହଜାର ଟଙ୍କା ଏବଂ ଅନ୍ୟ ସାଧରଣ ଭୁଲ ପାଇଁ ୫ଶହ ଟଙ୍କା ନୂଆ ମୋଟର ଆକ୍ଟ ଅନୁସାରେ ଜରିମାନା କରାଯାଇଛି ।
