ଭୁବନେଶ୍ୱର: ରାଜ୍ୟସ୍ତରୀୟ ୭୫ତମ ବନ ମହୋତ୍ସବ ପାଳନ କରାଯାଉଛି । ଏହି ଅବସରରେ ଚଳିତ ବର୍ଷ ରାଜ୍ୟରେ ୫କୋଟି ଗଛ ଲଗାଯିବା ନେଇ ପ୍ରସ୍ତୁତି କରାଯାଉଥିବା ପରିବେଶ ସଚିବ କହିଛନ୍ତି । ବୃକ୍ଷରୋପଣ ନେଇ ଜଙ୍ଗଲ ଓ ପରିବେଶ ସଚିବ ସତ୍ୟବ୍ରତ ସାହୁଙ୍କ ଏହି ସୂଚନା ଦେଇଛନ୍ତି । ଗଛ ଲଗାଇବା ପାଇଁ ୧୮ ମାସିଆ ପରିବର୍ତ୍ତେ ୩୦ ମାସିଆ ଚାରା ଯୋଗାଇ ଦିଆଯିବ । ଏହାସହିତ ପରିବେଶ ସୁରକ୍ଷା ପାଇଁ ପରିବେଶ ଅନୁକୂଳ ପଲିଥିନ୍ ଦିଆଯିବ । ବଜ୍ରପାତ ଜନିତ ମୃତ୍ୟୁ ରୋକିବାକୁ ୧୬ଲକ୍ଷ ତାଳ ଗଛ ଲଗାଯିବ । ଆଜି ମୁଖ୍ୟମନ୍ତ୍ରୀ ମୋହନ ମାଝୀ ଡୁମୁଡୁମା ସରକାରୀ ଉଚ୍ଚ ବିଦ୍ୟାଳୟ ପରିସରରେ ରାଜ୍ୟସ୍ତରୀୟ ବନ ମହୋତ୍ସବରେ ଯୋଗ ଦେଇ ଗଛ ଲଗାଇଛନ୍ତି ।
ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ ଓଡ଼ିଶା ବୃକ୍ଷରୋପଣରେ ଏକ ନମ୍ବର ହୋଇଛି । ଓଡ଼ିଶା ଦେଶରେ ୧ନଂ ହେବା ସହ ୪୮ହଜାର ଗଛ ଲଗାଇ କେରଳ ଦ୍ୱିତୀୟ ସ୍ଥାନରେ ରହିଛି । ‘ଏକ୍ ପେଡ୍ ମାଆ କେ ନାମ୍’ କାର୍ଯ୍ୟକ୍ରମରେ ଲଗାଯାଇଛି ୧ଲକ୍ଷ ୪୫ହଜାର ଗଛ । ରାଜ୍ୟରେ ୫କୋଟି ଗଛ ଲାଗିବ ସେଥିରୁ ୨.୨୦କୋଟି ଗଛ ସରକାର ଲଗାଇବେ ବୋଲି ମୁଖ୍ୟମନ୍ତ୍ରୀ କହିଛନ୍ତି ।
Comments are closed.